निःशुल्क आँख तथा दाँत शिबिर पुरा
वीरगंज १५ फागुन
समुदाय–प्रहरी साझेदारी कार्जक्रम अन्तर्गत सामुदायिक सेवा केन्द्र तथा सामुदायिक प्रहरी सेवा छपकैया–२ बीरगंज आ राईजिङ्ग बीरगंज नेपाल के संयुक्त आयोजना तथा माट्रिका आई फाउन्डेसन आ बीरगंज डेन्टल क्लिनिक एन्ड ईम्पलान्ट सेन्टर के विशेष सहजोग मे निःशुल्क आँख तथा दाँत शिवीर कार्जक्रम पुरा भईल बा ।
ताराचन्द किशन लाल आधारभुत विद्यालय छपकैया–२ के प्राङ्गण मे सामुदायिक सेवा केन्द्र छपकैया–२ के अध्यक्ष हाजी ग्यासुदिन ठकुराई के अध्यक्षता मे भईल कार्जक्रम मे प्रखु अतिथि बीरगंज महानगर पालिका के नगर प्रमुख बिजय सरावगी, जिल्ला प्रहरी कार्यालय पर्सा के प्रहरी नायब उपरीक्षक ओमप्रकाश खनाल, वडा प्रहरी कार्यालय बिर्ता के प्रहरी निरीक्षक राजेश राज पुरी, विद्यालय व्यवस्थापन समिति के अध्यक्ष ताज मिया, माट्रिका आई फाउन्डेसन के डा. महेश सिंह धामी, बीरगंज डेन्ट्ल क्लिनिक के डा. रेयाजुल हक, सामुदायिक सेवा केन्द्र छपकैया–२ के उपाध्यक्ष मो. अब्दुल हक, सदस्य अजित भुजेल, टीका प्रसाईं, अरुण गोयल लगायत के स्थानीयलोग के उल्लेखनिय सहभागीता रहल रहे ।
आँख शिबिर मे ९० जने जनानी आ ४८ जने पुरुष करके १३८ जने चेकजाँच करईला मे ६० जने मे मोतियाबिन्दु मिलल आ उलोग के निःशुल्क रुपमे अप्रेशन करेके डा. धामी बतवनी ।
एहितरे आजु भईल दाँत शिबिर मे १४ जनानी आ १९ पुरुष करके ३३ जने चेकजाँच करावल डा. रेयाजुल हक बतवनी ।
सामुदायिक सेवा केन्द्र छपकैया–२ के सचिव प्रबिण बिक्रम शाह से स्वागत कईल कार्जक्रम के संचालन सदस्य अब्दुल कैश कईले रहनी ।
