रौतहट के बौधिमाई नगरपालिका के चउथका नगर सभा पुरा

मेवालाल यादव

रौतहट ३० अगहन

रौतहट के बौधिमाई नगरपालिका के चउथका नगर सभा पुरा भईल बा । स्थानीय तह सञ्चालन सम्बन्धि कुछ निति नियम नगर सभा से पारित भईल बा ।

नगर प्रमुख राजिव रन्जन उर्फ राजु यादव के सभापतित्व मे भईल नगरसभा बहुमत के साथ पारित भईल बा ।

कार्जक्रम मे नगर उप प्रमुख प्रेमलाता कुशवाहा, नगरसभा के सल्लाहकार आ वार्ड नं.१ से ९ तक के वार्ड अध्यक्ष, कार्यपालिका सदस्य, नि. प्रमुख प्रशासकीय अधिकृत रामेश्वर राय यादव, नगरपालिका के कर्मचारी, नगरवासी लगायत के लोग नगरसभा के सफल्ता के शुभकामना देत नगर विकास मे ध्यान केन्द्रित करे खातिर जनप्रतिनिधिलोग के निहोरा कइनी ।

कार्जक्रम मे नगर प्रमुख राजिव रन्जन उर्फ राजु यादव आपन विकास के एजेण्डा सहित के प्रतिवेदन प्रस्तुत कईले रहनी । नगरपालिका आ.व.२०७७÷०७८ के कुल व्यय करिव ५१ करोड १८ लाख ४३ हजार ८ सय ८० बिनियोजन कईल बा ।

आन्तरिक आय से रु.२८८ लाख, अन्तर सरकारी वित्तिय हस्तान्तरण से रु १० करोड ८१ लाख ८५ हजार, केन्द्र तथा प्रदेश सरकार से ११ करोड ७१ लाख ५५ हजार, केन्द्र तथा प्रदेश सरकार से प्रदान करेवाला अनुदान से रु १२ करोड ८९ लाख, प्रदेश सरकार से मिलेवाला समपुरक तथा विशेष अनुदान ९६ लाख आ सडक वोर्द के २५ लाख, सामाजिक सुरक्षा कार्जक्रम अनर्तगत १२ करोड, स्थानीय पुर्वाधार विकास साझेदारी कार्जक्रम अन्र्तगत २ करोड ५० लाख, वहुक्षेत्रेय पोषण अन्र्तगत रु. १६ लाख रोपेया रहल बा ।

“बौधिमाई नगरपालिका के आधार पर्यटन, कृषि मे यान्त्रिकरण आर्थिक सम्मृद्धी के पूर्वाधार” कहके नारा के आधार मान के नगरपालिका से बजेट पारित कईले रहे ।