वीरगंज मे आधारभुत फोटो पत्रकारिता तालिम तथा फोटो प्रदर्शनी शुरु
वीरगंज १६ फागुन,
आधारभूत फोटो पत्रकारिता तालिम तथा प्रदेश नम्वर २ स्तरीय फोटो प्रदर्शनी आजु से वीरगंज मे शुरु भईल बा । तीन दिन तक चलेवाला तालिम मे प्रदेश २ के ३० जने पत्रकारलोग के सहभागिता रहल बा ।
प्रतियोगितात्मक फोटो प्रदर्शनी मे प्रदेश २ के संस्कृति आ पर्यटन से सम्बन्धित ५० गो फोटो प्रदर्शनी मे राखल गईल बा । मूल्याङ्कन मे पहिलका, दुसरका आ तिसरा होखेवाला फोटो के क्रमशः ३० हजार, २० हजार आ १० हजार रोपेया पुरस्कार देहल जाई ।
नेपाल पत्रकार महासंघ प्रदेश २ आ नेपाल फोटो पत्रकार महासंघ प्रदेश २ के संयुक्त आयोजना तथा नेपाल पत्रकार महासंघ, पर्सा आ नेपाल फोटो पत्रकार महासंघ, पर्सा के सहआयोजना मे सुरु भईल तालिम मे नेपाल पत्रकार महासंघ, केन्द्रीय तालिम विभाग के सहजोग रहल बा ।
नेपाल पत्रकार महासंघ पर्सा के सभा हल मे सुरु भईल तालिम मे वरिष्ठ फोटो पत्रकार नरेश श्रेष्ठ, किरण पन्थ, बालकृष्ण थापा, विजय सिंह लगायत के प्रशिक्षण देरहल बानी । फोटो पत्रकारिता तालिम तथा फोटो प्रदर्शनी के वीरगंज महानगरपालिका के मेयर विजयकुमार सरावगी उदघाटन कईले रहनी ।
नेपाल पत्रकार महासंघ, प्रदेश नम्वर २ के अध्यक्ष दिपेन्द्र चौहान के अध्यक्षता मे भईल उदघाटन समारोह मे नेपाल फोटो पत्रकार महासंघ के अध्यक्ष धु्रव आले, उद्योग वाणिज्य संघ, प्रदेश नम्वर २ के उपाध्यक्ष एवम् वीरगंज उद्योग वाणिज्य संघ के पूर्वअध्यक्ष अशोक बैद्य, फोटो पत्रकार महासंघ के महासचिव हरि रेग्मी, नेपाल पत्रकार महासंघ के केन्द्रीय सदस्य कृष्ण गिरी, प्रदेश २ के उपाध्यक्ष केसी लामिछाने, पर्सा के अध्यक्ष श्याम बञ्जारा, वीरगंज उद्योग वाणिज्य संघ के महासचिव माधवराज पाल, भिजिट नेपाल पर्सा के सदस्य मोहन प्रधान, फोटो पत्रकार महासंघ प्रदेश २ के अध्यक्ष राम सर्राफ लगायत के सहभागीता रहल रहे ।
