राष्ट्रिय सुरक्षा सम्बन्धी उच्चस्तरीय अध्ययन किलास

काठमाण्डु १९ फागुन,

नेपाली सेना के शिवपुरीस्थित आर्मी कमान्ड एन्ड स्टाफ कलेज मे राष्ट्रिय सुरक्षासम्बन्धी उच्चस्तरीय अध्ययन किलास आजु से सुरु भईल बा । राष्ट्रिय सुरक्षा आ राष्ट्रिय हित के बारे मे एके किसिम के बुझाइ आ समान धारणा बनावे खातिर योगदान पुगो कहके उदेश्य से आयोजना कईल उ किलास मे रक्षा, गृह, वन तथा वातावरण आ कानून, न्याय तथा संसदीय मामिला मन्त्रालय के उच्च तह के अधिकृत सहभागी बानी ।

नेपाली सेना, नेपाल प्रहरी, सशस्त्र प्रहरी बल, राष्ट्रिय अनुसन्धान विभाग, नेपाल राष्ट्र बैंक, नेपाल रेडक्रस तथा राष्ट्रिय समाचार समिति (रासस) के प्रतिनिधि लगायत २१ अधिकृत के उ किलास मे सहभागिता बा ।
किलास के उद्घाटन समारोह मे प्रधानसेनापति पूर्णचन्द्र थापा राष्ट्रिय सुरक्षा आ राष्ट्रिय हित के प्रवद्र्धन के खातिर नीतिनिर्माण तह मे रहेके आ कार्यान्वयन करेवाला बीच वर्तमान आ भविष्य मे आवे सकेवाला सुरक्षा चुनौती के विश्लेषण, अनुभव आदान–प्रदान करके समान बुझाइ आ साझा धारणा बनावे खातिर किलास सहज होखेके बतवनी ।

देश के सार्वभौमिकता, राष्ट्रिय अखण्डता, भौतिक, सामाजिक, आर्थिक, सांस्कृतिक आ मानवीय पक्ष के समेटेवाला सुरक्षा के बहुआयामिक महत्व के बारे मे ज्ञान आदान–प्रदान आ बुझे खातिर सहज होखेके बतावत उ किलास मे मिलल ज्ञान से विपद् के समयमा सरोकार पक्ष बीच सहकार्य आ एकता कायम होखेके विश्वास व्यक्त कइनी ।

रक्षा मन्त्रालय आ नेपाली सेनाद्वारा संयुक्तरूप मे सञ्चालित पाँच वाँ शृङ्खला के उ किलास मे सुरक्षा नीतिअन्तर्गत सार्वजनिक आ निजी मूल्यमान्यता, राष्ट्रिय सम्मान आ गौरव, जीउधन एवं सामाजिक–सांस्कृतिक मूल्यमान्यता के सुरक्षा आ संरक्षण के विषय मे भी ज्ञान देहल जाई । राष्ट्रिय सुरक्षा से भौगोलिक, सामाजिक, आर्थिक आ राजनीतिक रूप मे देश के पूर्ण सुरक्षा के बुझावे के आ ओकरा से देश के अर्थतन्त्र, न्याय आ समृद्धि मे विशिष्ट योगदान पुगावे सकेवाला रास्ता के बारेमे किलास मे विश्लेषण करेके बतावल गईल बा ।

रक्षा मन्त्रालय के सचिव रेश्मीराज पाण्डे विश्व मे देखल गईल नयाँ–नयाँ सुरक्षा चुनौती आ चासो के सामना करे खातिर हमनी बिच के सामूहिक छलफल भी महत्वपूर्ण होखे सकेके बिचार रखनी ।
कलेज के प्रमुख उपरथी ईश्वर हमाल सामाजिक मूल्यमान्यता के संरक्षण करेके आ प्राकृतिक प्रकोप तथा विपद् के समय मे सहकार्य के साथ काम करेमे सहज होखेवाला किलास कोसेढुङ्गा साबित होखी कहनी ।

उ किलास १५ दिने तालीम मे सुरक्षा, परराष्ट्र, ऊर्जा, आतङ्कवाद, कूटनीति, साइबर चुनौती, सञ्चार आ राष्ट्रिय सुरक्षा लगायत विषय मे विज्ञविद्वान् से प्रस्तुति होखी ।