लुटपाट मचावेवाला भूमिगत समूह के पूर्वनेता पकडईलेंं
जनकपुरधाम ६ जेठ
४ बरीस पहिले गोली मार के मोटरसाइकल लुटपाट कईल घट्ना मे फरार रहल एक आदमी धनुषा से पकडाईल बाडन ।
पकडाएवाला मे धनुषा के कमला नगरपालिका–७, के ‘चाणक्य’ कहेवाला विजय यादव बाडन ।
यादव ०७३ फागुन १ गते सिरहा के कल्याणपुर नगरपालिका–८, अरंग के लालु खान के गोली मार के घायल बनवले रहलन ।
खान घायल भईला के बाद उनकर ना.३८प १३३४ नम्बर के मोटरसाइकल सहित यादव फरार रहलन ।
घर मे लुकाईल विशेष सूचना के आधार मे प्रदेश प्रहरी कार्यालय, जनकपुरधाम से खटल पुलीस निरीक्षक उमेशमान अमात्य नेतृत्व के टोली उनका के पकडले बा ।
यादव उ समय सशस्त्र भूमिगत समूह मधेशी राष्ट्रिय जनतान्त्रिक पार्टी (क्रान्तिकारी) के सदस्य रहल प्रहरी के कहनाम बा । यादव के पकड के आउर अनुसन्धान हो रहल पुलीस जनवले बा ।
