केन्द्रीय बैंक लिआईल फेनु कर्जा कार्यविधि
काठमाण्डु २० जेठ
नेपाल राष्ट्र बैंक छोटा, लघु आ घरेलु साना उद्यम के खातिर रु १५ लाख तक के फेनु कर्जा देवे सकके प्रावधान सहित के पुनःकर्जा कार्यविधि, २०७७ लिआईल बा ।
कोरोना भाइरस के चलते देश के अर्थतन्त्र मे पडल प्रभाव के न्यून करत उद्यम व्यवसाय के प्रभावकारीरूप मे फेनु अगाडि बढावे के लक्ष्य के साथ केन्द्रीय बैंक उ कार्यविधि लिआईल बा ।
बैंक लघु, घरेलु तथा साना उद्यम, विशेष आ साधारण करके तीन किसिम के पुनःकर्जा लेवे सकेके प्रबन्ध कईले बा । लघु, घरेलु तथा साना उद्यम के खातिर केन्द्रीय बैंक दु प्रतिशत ब्याजदर मे बैंक तथा वित्तीय संस्था के कर्जा उपलब्ध कराई ।
बैंक तथा वित्तीय संस्था पाँच प्रतिशत ब्याज लेके ओईसन कर्जा प्रवाह कर सकता । एहितरे विशेष पुनःकर्जा मे राष्ट्र बैंक एक प्रतिशत मे रोपेया दि । उ रोपेया मे बैंक तथा वित्तीय संस्था तीन प्रतिशत ब्याज ले सकता ।
साधारण पुनःकर्जा मे राष्ट्र बैंक तीन प्रतिशत ब्याजदर मे रोपेया दि । ओईसन रोपेया बैंक तथा वित्तीय संस्था पाँच प्रतिशत तक ब्याज लेके लगानी कर सकता ।
पुनःकर्जा कोष के सीमा सञ्चालक समिति से समय निर्धारण कईल मुताविक होखी ।
केन्द्रीय बैंक के मुताविक प्रतिग्राहक रु १५ लाख तक के लघु, घरेलु तथा साना उद्यम पुनःकर्जा, रु १० करोड तक के विशेष पुनःकर्जा आ साधारण पुनःकर्जा इजाजतपत्र प्राप्त क, ख आ ग वर्ग के इजाजतप्राप्त संस्था के एकमुष्टरूप मे प्रदान कईल जाई ।
राष्ट्र बैंक के निर्देशन मुताविक बैंक तथा वित्तीय संस्था समय तोक के कर्जा के खातिर आह्वान करी । तोकल कागजात सहित ग्राहक बैंक के सम्बन्धित शाखा मे निवेदन देवेके पडि ।
निवेदन प्राप्त भईल एक महिना भितर उ पुनःकर्र्जासम्बन्धी निर्णय कईल जाई । बैंक के प्रतिशाखा पाँच ग्राहक से मात्र ओईसन कर्जा सुविधा प्राप्त कर सकता ।
एहितरे उद्योग के सञ्चालन अवस्था बढिया रहल भा वितल तीन बरीस के मुनाफा देखला पर औषत मे हरेक वर्ष पूँजी मे प्रतिफल २० प्रतिशत भा ओकरा से बेसी रहल उद्योग व्यवसाय ओईसन कर्जा ना मिली ।
सिगरेट, सिगार, सुर्ती, खैनी, गुट्खा लगायत सूर्तीजन्य उद्योग व्यवसाय आ दारु तथा दारुजन्य उद्योग व्यवसाय के प्रवाह भईल कर्जा भी अयोग्य होखी ।
