लिंकरोड के स्थानीयबासी कईलें सरसफाई
वीरगंज १९ कातिक
वीरगंज महानगरपालिका वार्ड नम्बर ८ लिंकरोड के स्थानीयवासी आ व्यावसायीलोग सरसफाई के खातिर जागरुक भईल बाडन ।
महानगर मे जहाँतहाँ फुहर जम्मा भईला मे स्थानीय घरधनी आ व्यापार व्यावसाय मे लागललोग लिंकरोड क्षेत्र के सफा राखे खातिर महानगरपालिका के सरसफाईकर्मीलोग के साथे स्थानीय व्यावसायीलोग सरसफाई कईले बाडन ।
वीरगंज के घण्टाघर से बसपार्क तक सडक के दुनु ओरी घर तथा सटर दोकानवालालोग हरेक दिन सरसफाई कईल शुरु कईले बाडन ।
आजु सबेरे सडक के किनार मे बिगल इट्टा, पथल, बालु लगायत आउर कवाडी सामानसब हटाके पानी से सफा कईले रहलन ।
महानगरपालिका के हरेक टोल मे टोल विकास संस्था गठन करके सरसफाई व्यावस्थापन शुरु कईल आ उहे अवधारणा मे वीरगंज के घण्टाघर से बसपार्क तक रहल घरधनी तथा सटर दोकानदार आ होटल व्यावसायीलोग सरसफाई कईल सुरु कईल होटल व्यवसायी संघ पर्सा के महासचिव तवरेज आलम जानकारी देहनी ।
वीरगंज के बसपार्कचोक से घण्टाघरचोक तक सफा राखे खातिर सभी घरधनी, सटर दोकानदार, व्यापारी आ होटल व्यावसायीलोग चासो देखावल उ बतवनी ।
लिंकरोड मे रहेवाला आ दोकानदारलोग के बीच सडक के डिभाईडर मे जथाभावी फुहर ना बिगे खातिर आ घर दोकान से निकलेवाला फुहर व्यवस्थित करे खातिर महानगरपालिका के सरसफाई कर्मचारीलोग निहोरा कईले रहलन ।
