नेपाल पत्रकार महासंघ बारा शाखा के १६ वाँ सधारण सभा पुरा
प्रभु यादव
बारा १९ माघ,
बारा के निजगढ नगरपालिका वार्ड नं. ४ मोहरी मे रहल गणेशमान पार्क मे नेपाल पत्रकार महासंघ बारा शाखा के १६ वाँ सधारण सभा पुरा भईल बा ।
कार्जक्रम के प्रमुख अतिथि नेपाल पत्रकार महासंघ के केन्द्रीय कोषाध्यक्ष राजेश कुमार मिश्रा मोमबती जलाके उदघाटन कईले रहनी ।
उदघाटन सत्र बारा शाखा के अध्यक्ष कमल कुमार उपाध्यया के सभापतित्व मे भईल कार्जक्रम मे निजगढ नगरपालिका के मेयर भरत भण्डारी, उपमेयर, बारा के प्रमुख जिल्ला अधिकारी दिपकराज नेपाल, केन्द्रिय सदस्य अवधेश कुमार झा, आ.एन विश्वास, प्रदेश नं २ के अध्यक्ष दिपेन्द्र चौहान, उपाध्यक्ष के.सि. लामिछाने, प्रदेस सदस्य सिकेन्द्र पासवान, जितलाल श्रेष्ठ, भोजराज भट्टराई, प्रेस युनियन के बारा अध्यक्ष श्यामबाबु यादव, प्रेस संगठन बारा के संयोजक दिवाकर भण्डारी लगायत के सहभागीता रहल रहे ।
१६ वाँ सधारण सभा मे पत्रकार स्वर्गीय विरेन्द्र साह स्मृति पुरस्कार जितलाल श्रेष्ठ के, स्वर्गीय बिनोद प्याकुरेल स्मृती पुरस्कार रेशम तिवारी के आ क्रान्तिकारी पत्रकार संघ बारा के संस्थापक उपाध्यक्ष स्वर्गीय पत्रकार रमेश पाण्डे स्मृती २०६९ फागुन १६ यूवा पत्रकारिता पुरस्कार शान्ति मिडिया प्रालि द्धारा संचालित संस्कार खबर राष्ट्रिय दैनिक आ संस्कार एफ.एम.९५.६ मेगा हर्ज मे वितल १० बरीस से कार्यरत पत्रकार रेणु कुमारी चौधरी के प्रमुख अतिथी, विशिष्ट अतिथि लोग देहले रहनी ।
बन्द सत्र मे बारा शाखा के सचिव गणेश रिजाल संस्थागत प्रतिवेदन मे बारा शाखा सदस्यता सुद्धीकरण मे एक सय ६१ सदस्य मे से एक सय १२ जने के नविकरण करे के सिफारीस कईले आ पाँच जने के नयाँ सदस्यता देवे के निर्णय भईल जनकारी करावले रहलन ।
बारा शाखा के कोषाध्यक्ष मुकेश यादव ३१ हजार पाँच सय के आर्थिक कारोबार तीन बरीस मे कईल गईल जनकारी करवले रहनी ।
