वीरगंज उद्योग वाणिज्य संघ के अध्यक्ष मे गुप्ता
वीरगंज ०२ चईत,
वीरगंज उद्योग वाणिज्य संघ के अध्यक्ष मे सुबोधकुमार गुप्ता सर्वसम्मत चयन भईल बाडन । वीरगंज मे सम्पन्न संघ के ४५ वाँ वार्षिक साधरणसभा से संघ के अध्यक्ष मे गुप्ता के सर्वसम्मत चयन कईले बा ।
संघ के ३५ जने कार्यसमिति एकरा से पहिले निर्विरोध चयन कईल गईल रहे । पदाधिकारीलोग के एतवार के रात के हि घोषणा कईल रहे । कार्जक्रम मे महासचिव मनोजकुमार दास, वाणिज्य सचिव मे आशिष लाठ, सहसचिव मे सुशान्त चाचान आ अनोज रुगटा भी निर्विरोध चयन भईल बाडन । संघ के प्रथम उपाध्यक्ष मे अनिलकुमार अग्रवाल भी निर्विरोध चयन भईल बाडन ।
सहमती मे संघ के सभी पदाधिकारी आ सदस्यलोग के चयन करेके कहला पर भी द्वितीय उपाध्यक्ष, उद्योग सचिव, कोषाध्यक्ष आ सहकोषाध्यक्ष करके ४ पद के खातिर निर्वाचन हि करेके पडल रहे ।
एतवार के भईल निर्वाचन मे द्वितीय उपाध्यक्ष मे हरिप्रसाद गौतम, उद्योग सचिव मे अरविन्द अमात्य, कोषाध्यक्ष मे गोविन्द साह आ सहकोषाध्यक्ष मे प्रेमचन्द गोयल निर्वाचित भईल बाडन । द्वितीय उपाध्यक्ष मे हरिप्रसाद गौतम आ सुनिलकुमार खेतान बीच चुनावी प्रतिस्पर्धा भईल रहे । जउना मे गौतम के २६ मत आ खेतान के ६ मत मात्र मिलल रहे ।
उद्योग ओरी के सचिव मे अरविन्द अमात्य के २२ आ सुरेश रुंगटा के ९ गो मत पडल रहे । कोषाध्यक्ष मे गोविन्दप्रसाद शाह २ मत से विजयी भईल बाडन । साह के १७ आ नवनित अग्रवाल के १५ मत पडल रहे । सहकोषाध्यक्ष मे प्रेमचन्द्र गोयल निर्वाचित भईल बाडन । उनकर पक्ष मे २७ आ दोसर उम्मेदवार अंकित खेतान के पक्ष मे ५ मत मात्र पडल रहे ।
एहितरे संघ के सदस्य मे नरेशकुमार अग्रवाल टिबडेवाल, अवधेशकुमार सरावगी, सुमनकुमार क्याल, यशकुमार अग्रवाल, मनोजकुमार शर्मा, नवनीत अग्रवाल, निरज अग्रवाल, दिपककुमार टिबडेवाल, सिद्धार्थ धुरका, मुरली जालान, अंकितकुमार खेतान निर्विरोध चयन भईल बाडन ।
सदस्य मे माधव राजपाल, सुनिलकुमार खेतान, रविन्द्रकुमार वर्णवाल, शिवजीप्रसाद साह कलवार, सुरेशकुमार रुँगटा, शुभमकुमार खण्डेलवाल, प्रभात रुँगटा, विकासकुमार क्याल, हेमन्तकुमार वैद्य, प्रकाशकुमार खण्डेलवाल, विनय काबरा, सौरभ केडिया आ प्रमोदकुमार चौरसिया भी सर्वसम्मत चयन भईल प्रमुख निर्वाचन अधिकृत अधिवत्ता बालमुकुन्द खरेल बतवनी ।
