कोरोना से आउर ६८ जने के मृत्यु, ६०८५ जने संक्रमित थपईलें
काठमाण्डु १८ जेठ
नेपाल मे कोरोना भाइरस संक्रमण से होखेवाला मृत्यु उल्लेख्य रुप मे घटल बा । पिछिलका २४ घण्टा मे ६८ जने संक्रमित के मृत्यु भईल बा, जउन २५ दिन एने के कम ह । बितल वैशाख २५ गते ५३ जने आ २६ गते ८८ जने के मृत्यु भईल रहे ।
ओकरा बाद वैशाख २७ गते १३९ आ २८ गते २२५ जने के मृत्यु भईल रहे । कोरोना भाइरस संक्रमण के दुसरका लहर मे मृतक संख्या बढ के जेठ ५ गते एके दिन २४६ जने तक पुगल रहे । ओकरा बाद मृतक संख्या घटत आके जेठ १४ गते ९६ जने मे पुगल रहे ।
पिछिलका २४ घण्टा मे आउर ६०८५ जने मे कोरोना भाइरस संक्रमण पुष्टि भईल बा । स्वास्थ्य तथा जनसंख्या मन्त्रालय के मुताविक १७ हजार १४७ पीसीआर परीक्षण मे ५२८५ जने आ ३०१८ एन्टिजेन परीक्षण मे ८०० जने करके ६०८५ जने मे संक्रमण पुष्टि भईल बा । मंगर के संक्रमणदर ३०.१७ प्रतिशत देखल गईल बा ।
नेपाल मे मंगर तक कोरोना संक्रमित के संख्या ५ लाख ६६ हजार ५८७ पुगल बा । जउना मेसे सक्रिय संक्रमित के संख्या १ लाख चार हजार ७८९ रहल बा ।
पिछिलका २४ घण्टा मे संक्रमणमुक्त होखेवाला के संख्या ६८९८ रहल बा । अभी तक संक्रमणमुक्त होखेवाला के संख्या ४ लाख ५४ हजार ३४४ रहल बा । कोरोना भाइरस संक्रमण के चलते मृत्यु होखेवाला के संख्या ७ हजार ४५४ पुगल बा ।
कउन जिल्ला मे केतना कोरोना संक्रमित थपईलें ?
स्वास्थ्य मन्त्रालय के मुताविक सब से बेसी काठमाण्डु मे १०६०, मोरङ मे २९१, ललितपुर मे २८३, झापा मे २८३, काभ्रेपलाञ्चोक मे २३२, भक्तपुर मे २१५ आ सुनसरी मे २०६ जने मे कोरोना संक्रमण पुष्टि भईल बा । एहितरे धनुषा मे १९२, गोरखा मे १८८, चितवन मे १७४, कास्की मे १६९, दाङ मे १३८, पाल्पा मे १२६, मकवानपुर मे ११६, सिन्धुपाल्चोक मे १०८ आ रूपन्देही मे १०३ जने कोरोना संक्रमित थपाईल बाडन ।
सुर्खेत मे ९६, रामेछाप मे ९४, नुवाकोट मे ७९, सर्लाही मे ७६, धादिङ मे ७४, सिरहा मे ६५, महोत्तरी मे ५८, दोलखा आ दैलेख मे ५५÷५ जने, डडेलधुरा मे ५४ आ बारा मे ५० जने मे कोरोना संक्रमण देखल गईल बा । एहितरे तनहुँ मे ४२, बाँके मे ३८, नवलपरासी पूर्व आ कैलाली मे ३२÷३२ जने, सिन्धुली मे ३१, दार्चुला मे ३०, डोटी मे २९, ओखलढुंगा मे २८, स्याङ्जा आ कपिलवस्तु मे २७÷२७, बर्दिया आ कञ्चनपुर मे २५÷२५ जने, धनकुटा मे २४, कालीकोट मे २३ आ नवलपरासी पश्चिम मे २१ जने कोरोना संक्रमित थपाईल बाडन ।
म्याग्दी मे १९, इलाम आ सल्यान मे १८÷१८ जने, लमजुङ आ अर्घाखाँची मे १७÷१७ जने, रौतहट मे १५, सप्तरी आ रूकुम पश्चिमम मे १४÷१४ जने, पर्सा मे १२ आ उदयपुर मे ११ जने मे कोरोना संक्रमण पुष्टि भईल बा । एहितरे गुल्मी, प्युठान आ जुम्ला मे ७÷७ जने, रोल्पा आ जाजरकोट मे ६÷६ जने, खोटाङ आ बागलुङ मे ५÷५ जने, ताप्लेजुङ आ रसुवा मे ३÷३ जने, संखुवासभा मे २ तथा तेह्रथुम, भोजपुर, सोलुखुम्बु, पर्वत, रूकुम पूर्व, आ अछाम मे १÷१ जने मे कोरोना संक्रमण देखल गईल मन्त्रालय जनवले बा ।
एहितरे १० बरीस निचेके १७४ लईकालइकी मे कोरोना संक्रमण पुष्टि भईल बा आ ११ से २० बरीस उमिर समूह के ४५६ जने कोरोना संक्रमित थपाईल स्वास्थ्य तथा जनसंख्या मन्त्रालय जनवले बा ।
