संयुक्त विद्यार्थी संगठनद्वारा वीरगंज मे मशाल जुलुश प्रदर्शन
वीरगंज १९ असाढ
संयुक्त विद्यार्थी संगठन आजु वीरगंज मे मशाल जुलुश प्रदर्शन कईले बा ।
नेविसंघ, अनेरास्ववियू (क्रान्तिकारी), अनेरास्ववियू आ समाजवादी विद्यार्थी संगठन के आयोजना मे प्रधानमन्त्री केपी शर्मा ओली के असंवैधानिक कदम विरुद्ध मशाल जुलुश प्रदर्शन कईल अनेरास्ववियू (क्रान्तिकारी) के केन्द्रिय सदस्य एवम् प्रदेश नं. २ के सह संयोजक प्रभाकर गुप्ता बतवनी ।
प्रधानमन्त्री ओलीद्वारा असंवैधानिक तरिका से कईल संसद विघटन विरुद्ध विद्यार्थी संगठनसब के केन्द्रिय आन्दोलन के कार्जक्रम अन्तर्गत हि वीरगंज मे भी मशाल जुलुश प्रदर्शन कईल उ जानकारी देहनी ।
बीरगंज के घडिअर्वास्थित गीतामन्दिर रोड से सुरु भईल प्रदर्शन घण्टाघर मे आके कोणसभा मे परिणत भईल रहे । मशाल जुलुश प्रदर्शन के समय मे पुलीस हस्तक्षेप भी कईले रहे । नेविसंघ के विकेश पटेल, समाजवादी विद्यार्थी युनियन के एजाबाबु राँकी, अनेरास्ववियु (क्रान्तिकारी) के कविराज पटेल, अनेरास्ववियु के रन्दिप श्रीवास्तव के नेतृत्व मे ओली सरकार के असंवैधानिक गतिविधी विरुद्ध प्रदर्शन कईल गईल रहे । मशाल जुलुश मे सहभागिलोग केपी ओली मुर्दाबाद, प्रतिगमन मुर्दाबाद, महंगी, भ्रष्टाचार आ सरकार के जनविरोधी क्रियाकलाप मुर्दाबाद लगायत के कडा नारा भी लगवले रहलन ।
