पर्सा क्षेत्र नं. ४ के (क) आ (ख) मे नेपाली कांग्रेस के क्षेत्रिय अधिबेशन पुरा
वीरगंज ११ अगहन
पर्सा के प्रदेश सभा निर्वाचन क्षेत्र नं. ४ के (क) आ (ख) मे नेपाली कांग्रेस के क्षेत्रिय अधिबेशन आजु पुरा भईल बा । दुनु प्रदेश सभा निर्वाचन क्षेत्र मे निर्विरोध प्रदेश समिति के पदाधिकारी आ प्रदेश प्रदेश प्रतिनिधि चयन भईल बा ।
प्रदेश सभा ४ (क) के सभापति मे जीवन कृष्ण सापकोटा निर्विरोध निर्वाचित भईल नेपाली कांग्रेस के पर्सा जिल्ला निर्वाचन समिति जनवले बा । प्रदेश सभा क्षेत्रिय उप सभापति सुभाष कुमार यादव, जटाशंकर यादव, सचिव मे गोपिलाल श्रेष्ठ, मुकेश महतो थारु, सह सचिव मे रामविहारी प्रसाद थारु आ नरेश राउत अहिर भी निर्विरोध निर्वाचत भईल बाडन ।
प्रदेश प्रतिनिधि मे एकबाली साह कानु, अभय प्रसाद यादव, प्रधुमन कुमार गौतम, कमल बहादुर सिलवाल, देवी प्रसाद दहाल, पन्नालाल प्रसाद विष्ट, सुरेन्द्र महतो नुनिया बसन्ती देवी, प्रदममाया श्रेष्ठ, कृष्ण माया गोतामे, धन प्रसाद फुयाल, डबल बहादुर मगर, सत्यनारायण साह, रुनादेवी मुसहरिन, विध्यानन्द महतो आ शेष नमुना आजम निर्विरोध चयन भईल पर्सा क्षेत्र नं. ४ के सचिव श्रीकान्त यादव बतवनी ।
एहितरे, पर्सा के प्रदेश सभा निर्वाचन क्षेत्र नं. ४ (ख) के सभापति मे दिपेन्द्र कुमार सिंह निर्विरोध निर्वाचित भईल बाडन । प्रदेश सभा निर्वाचन क्षेत्र नं. ४ (ख) के उप सभापति मे रसुलाजन मियाँ तेली, मनिभुषण मिश्र, सचिव मे इमरान मियाँ, श्यामकिशोर गिरी, सह सचिव मे लाल साहेब यादव आ महन्थ कुशवाहा भी निर्विरोध निर्वाचित भईल मतदान अधिकृत नन्दु कुमार यादव जानकारी देहनी ।
प्रदेश सभा निर्वाचन क्षेत्र नं. ४ (ख) से प्रदेश प्रतिनिधि मे किशोर कुमार कलवार, सुरेश कुमार कुर्मी, मत्युन्जय कुमार श्रीवास्तव, बन्धु साह, भुपेन्द्र तिवारी, हिरण कुमार कुर्मी, जितेन्द्र कुमार बर्मा, रिना देवी यादव, किरण देवी, भगिया देवी, रामदयाल प्रसाद कानु, रामविश्वास महतो चाई, खुश्बुन खातुन, निता देवी झा, नवलेश राम आ रजाक राउत गद्दी निर्विरोध चयन भईल उ बतवनी ।
धोबिनी गाँवपालिका के वार्ड नं. ३ गुलरिया मे भईल प्रदेश सभा क्षेत्रिय अधिवेशन मे नेपाली कांग्रेस के केन्द्रिय सदस्य एवम् प्रदेश नं. २ के संयोजक रमेश रिजाल, क्षेत्र नं. ४ के सभापति रमेश पाण्डे, महासमिति सदस्य बशिष्ठ नारायण कुर्मी, जिल्ला सदस्य नविन सिंह, क्षेत्रिय सचिव बलिष्टर अहमद लगायत के सहभागीता रहल रहे ।
दुनु प्रदेश निर्वाचन क्षेत्र मे एक हजार ६२ जने क्रियाशिल सदस्य रहल बाडन ।
