रेडियो वीरगंज के वार्षिकोत्सव मे २५ जनानी सहित ३४१ जने खुनदान कईलें

वीरगंज १८ अगहन

मध्ये तराई के पहिलका रेडियो, रेडियो वीरगंज ९९ मेघाहर्ज आजु आपन १९ वाँ बार्षिकोत्सव के अवसर मे खुनदान कार्जक्रम पुरा कईले बा ।

रेडियो के कार्यकारी अध्यक्ष ध्रुव साह के अध्यक्षता मे रेडियो परिसर मे भईल कार्जक्रम मे २५ जनानी सहित ३४१ जने खुनदान कईले बाडन । कार्जक्रम मे सखुवा प्रसौनी गाँवपालिका के अध्यक्ष प्रदिप जयसवाल, धोबिनी गाँवपालिका प्रमुख प्रशासकिय अधिकृत राजु साह, नेपाली कांग्रेस बारा के प्रदेश सभा क्षेत्रिय अध्यक्ष लुकेश सिंह, सशस्त्र प्रहरी के डिएसपी सुमन थापा, समाजवादी प्रेस संगठन के नेता बृजलाल पासवान, पत्रकार मनोज पटेल, हरिशंकर शर्मा, रन्जित चौरसिया, विनोद पटेल, सशस्त्र प्रहरी निरिक्षक किशमान तामाङ, जसपा के वीरगंज महानगर अध्यक्ष इश्वर यादव, नेता सलाउदिन अहमद, दिपक यादव, शिव कुमार साह, रेडियो वीरगंज के रंजित यादव, प्रकृति अधिकारी, लालझरी देवी, प्रेम पटेल, रेडियो पोखरिया के सैलेश गुप्ता, शिव शंकर मिश्रा खुनदान कईले बाडन ।

एहितरे शिव कुमार दास, संजय कुमार चौहान, रन्जित साह तेली, रामजी प्रसाद कुशवाहा, भुषण कुमार यादव, ओम प्रकाश कुर्मी, लक्ष्मीना पटेल, सुशिल कुमार हजरा, कृष्णा यादव, निर्मराज बल, वृतनारायण यादव, भोला नाथ चौलागाई, इन्जिनियर मनोज कुमार दास, इन्जियनियर उमेश कुमार रौनियार, दिपक कुमार श्रेष्ठ लगायत के लोग खुनदान कईले बाडन ।

खुनदान कार्जक्रम मे पर्सा क्षेत्र नम्बर १ के संसाद प्रदीप यादव रेडियो वीरगंज के टिम सञ्चार क्षेत्र मे अलगे पहिचान बनईला से रेडियो वीरगंज के इतिहास केहु मिटावे ना सकेके बतवनी । एहितरे सखुवा प्रसौनी गाँवपालिका के अध्यक्ष प्रदिप जयसवाल रेडियो वीरगंज के चलते ग्रामिण क्षेत्र मे रक्तदान करेवाला आदमी मे जागृती आईल बतवनी ।

खुनदान कार्जक्रम के शुभारम्भ करत पर्सा के प्रमुख जिल्ला अधिकारी उमेश ढकाल रेडियो वीरगंज मध्यतराई के जनता के ढुकढुकी भईल बतवनी । कार्जक्रम मे जिल्ला प्रहरी कार्यालय पर्सा के प्रहरी उपरिक्षक रमेश बस्नेत, सशस्त्र प्रहरी उपरिक्षक राजेन्द्र खड्का, नेपाली कांग्रेस बारा क्षेत्र नम्बर ४ ख के प्रदेश सभापति लोकेश सिंह लगायत के लोग आपन आपन बिचार रखले रहनी ।

कार्जक्रम मे पकामैनपुर गाँवपालिका के अध्यक्ष विजय चौरसिया, जिल्ला प्रहरी कार्यालय पर्सा के डिएसपी ओमप्रकाश खनाल, प्रहलाद कार्की, नेपाली कांग्रेस पर्सा के सचिव श्याम पटेल, नेकपा एमाले के अध्यक्ष प्रभु हजरा, लोसपा पर्सा के अध्यक्ष पुरुषोत्तम झा, नेता नेजामुदिन सम्मानी, नेकपा एकीकृत समाजवादी के वीरगंज महानगर अध्यक्ष मनोज चौधरी, नेपाली कांग्रेसका क्षेत्रिय सभापति महमद सहाबुद्धीन, महिला नेतृ रेखा साह, रेडक्रस के अधिकृत उदयराज शर्मा, नेपाल पत्रकार महासंघ के केन्द्रिय सचिव दिपेन्द्र चौहान लगायत के सहभागीता रहल रहे ।

कार्जक्रम मे नेपाल रेडक्रस सोसाईटी रक्त सञ्चार केन्द्र के प्रमुख सौरभ राज पाण्डे नेतृत्व के टोली सहित वीरगंज नर्सिङ क्याम्पस के नर्सलोग प्राविधिक सहजोग कईले रहलन । उ अवसर मे किरण आखा अस्पताल कार्जक्रम स्थल मे निशुल्क आँख चेकजाँच शिवीर कईले रहलन ।

खुनदान कार्जक्रम के समापन करत रेडियो वीरगंज के कार्यकारी अध्यक्ष ध्रुव साह कार्जक्रम मे सहजोग करेवाला सभी स्रोता, विज्ञापन दाता, प्रायोजक शुभचिन्तकलोग मे धन्यवाद देहनी । एहितरे रेडियो वीरगंज के वार्षिक उत्सव के अवसर मे आवेवाला अगहन २५ गते आदर्शनगर मे १ बजे से बृहत सांस्कृतिक कार्जक्रम के आयोजना करेके बतवनी ।