जी–२० शिखर सम्मेलनमा चिनियाँ राष्ट्रपति सी जिनपिङ भारतमा किन आइरहेका छैनन् ?

भारतको राजधानी नयाँ दिल्लीमा सेप्टेम्बर ९–१० मा हुन गइरहेको जी–२० शिखर सम्मेलनमा चिनियाँ राष्ट्रपति सी जिनपिङ भारत नआउने कारण खुलाएनन् ।
समाचार एजेन्सी एएफपीका एक पत्रकारले चिनियाँ विदेश मन्त्रालयका प्रवक्ता माओ निङलाई सी जिनपिङ भारत नजाने तर सम्मेलनमा (वर्चुअली) सहभागी नहुने प्रश्न सोधे, यदि हो भने त्यसको कारण के हो ?
चीनको विदेश मन्त्रालयका प्रवक्ता माओ निङले जवाफ दिए, “प्रधानमन्त्री ली च्याङले भारतमा हुने जी–२० सम्मेलनमा चिनियाँ प्रतिनिधिमण्डलको नेतृत्व गर्नेछन् ।” जी–२० अन्तरराष्ट्रिय आर्थिक सहयोगको लागि महत्वपूर्ण प्लेटफर्म हो । यस सम्मेलनका कार्यक्रमहरूमा चीनको सहभागिता हुनु निकै अर्थपूर्ण छ ।
निङले भने, “प्रधानमन्त्री ली चियाङले यस पटक हुने जी–२० सम्मेलनमा चीनको अडान र प्रस्तावहरू प्रस्तुत गर्नेछन् ।” हाम्रो उद्देश्य समूहका देशहरू बीचको सहकार्य कायम राख्नु र विश्वव्यापी आर्थिक र विकास सम्बन्धी चुनौतिहरूसँग मिलेर सामना गर्नु हो । हामी जी–२० लाई सफल बनाउन सबै पक्षहरूसँग मिलेर काम गर्न तयार छौं ताकि विश्वव्यापी अर्थतन्त्र छिट्टै सुधार होस् ।
चिनफिङको अनुपस्थितिको कारणबारे सोधिएको प्रश्नको जवाफ नआएको स्पष्ट छ ।
जिनपिङ बाहेक रुसी राष्ट्रपति भ्लादिमिर पुटिन पनि जी–२० सम्मेलनमा भाग लिन भारत आउने छैनन् ।