नेपाली नक्कली रोपेया सहित बारा मे एक जने पकडईलें

प्रभु यादव

बारा २४ फागुन

बारा मे नक्कली रोपेया सहित एक जने पकडाईल बाडन । पकडाएवाला मे बारा के महागढीमाई नगरपालिका वार्ड नम्बर ९ कञ्चनपुर निवासी ३५ बरीस के राम बिनय सहनी रहल बाडन । उनका के पुलीस सिम्रौनगढ नगरपालिका वार्ड नम्बर ४ स्थित हरिहरपुर चैक से नेपाली एक हजार दर के आठ थान नक्कली रोपेया सहित पकडल गईल जिल्ला प्रहरी कार्यालय बारा जनवले बा ।

ईलाका प्रहरी कार्यालय सिम्रौनगढ से खटल पुलीस टोली बीआर ०५ जे २१८१ नम्बर के मोटरसाइकल के जाँच करेके समय मे मोटरसाइकल मे सवार सहनी के नक्कली रोपेया सहित पकडाईल बाडन ।

पकडाईल सहनी के साथ से भारतीय पाँच सय के सक्कली रोपेया तीन थान आ भारतीय रोपेया पाँच सय के साईज मे राखल सादा कागज दु सय ८६ थना भी बरामद कईल बारा के प्रहरी नायब उपरीक्षक दधिराम न्यौपाने जानकारी देहनी ।

पकडाईल सहनी विरुद्ध खोटा चलन सम्बन्धि कसुर मुद्दा दर्ता करके बारा जिल्ला अदालत से पाँच दिन के म्याद थप कराके अनुसन्धान काम हो रहल प्रहरी नायब उपरीक्षक न्यौपाने जानकारी देहनी ।