ट्रक मे गाँजा ढोवेवाला दु जने पकडईलें

बारा १८ बैशाख

ट्रक मे लागूऔषध गाँजा ढुवानी करके तस्करी करेवाला दु जने के ट्रक सहित बारा मे पकडाईल बाडन । पकडाएवाला मे ट्रक के चालक मकवानपुर के मनहरी गाँवपालिका–२ स्थायी घर भईल अभी बारा के जितपुरसिमरा उपमहानगरपालिका वार्ड नम्बर २ के ३२ बरीस के आकाश कहके दीपक कोइराला आ ट्रक मे सवार हेटौंडा–१३ पदमपोखरी के ३० बरीस के जीवन घलान रहल बाडन ।
बारा के रतनपुर से निजगढ ओरी जा रहल ना ५ ख ७५५२ नम्बर के ट्रक के निजगढ नगरपालिका–१० लालपार्कस्थित सडक मे सोमार के रात १०ः३० बजे पुलीस रोकके चेकजाँच कईले रहे ।
उ समय मे ट्रक मे ७ गो बडका पोका मे रहल दु क्वीन्टल १६ किलो गाँजा मिलला के बाद पुलीस ट्रक चालक कोइराला आ घलान दुनु के नियन्त्रण मे लेहल बारा के प्रहरी नायब उपरीक्षक दधिराम न्यौपाने जानकारी देहनी । उ ट्रक भी नियन्त्रण मे लेहल गईल न्यौपाने बतवनी ।
गाँजा सहित पकडाईल दुनु जने के जिल्ला प्रहरी कार्यालय के हिरासत मे राखके आउर अनुसन्धान हो रहल प्रहरी नायब उपरीक्षक न्यौपाने जानकारी देहनी ।