८१ लाख से बेसी के सामान सहित ट्रक पकडाईल

वीरगंज ३१ बैशाख

पर्सा पुलीस बिलबिजक से बेसी के सामान लोड रहल एगो ट्रक वीरगंज से पकडाईल बा । करिब ८१ लाख रोपेया के सामान लेके वीरगंज से काठमाण्डु जा रहल ना ५ ख ३०२८ नम्बर के ट्रक पुलीस नियन्त्रण मे लेहले बा ।
वीरगंज महानगरपालिका वार्ड नम्बर २१ हनुमान मन्दिर चोक लगे एतवार के रात पुलीस उ ट्रक रोकके चेकजाँच कईले रहे । उ समय मे ट्रक मे बिलबिजक से बेसी परिणाम के हार्डवेयर तथा खुद्रा सामानसब मिलला के बाद राजश्व छली के आशंका मे उ ट्रक नियन्त्रण मे लेहल गईल पर्सा के प्रहरी नायब उपरीक्षक कुमार विक्रम थापा जानकारी देहनी । ट्रक से ८१ लाख ५६ हजार ९४३ रोपेया मूल्य के सामान बरामद कईल उ बतवनी । सामान सहित नियन्त्रण मे लेहल गईल उ ट्रक आउर अनुसन्धान तथा जरुरी कारबाही के खातिर सोमार के दिने राजश्व अनुसन्धान कार्यालय पथलैया मे बुझावल गईल जानकारी थापा देहनी ।