बजेट के आकार १८ खरब ६० अरब ३० करोड

काठमाण्डु १५ जेठ

सरकार १८ खरब ६० अरब ३० करोड रोपेया के बजेट सार्वजनिक कईले बा । अर्थमन्त्री वर्षमान पुन संसद के संयुक्त बईठक मे आवेवाला आर्थिक बरीस (आव) २०८१÷८२ के खातिर चालु आव के बराबरी मे ६.२ प्रतिशत से बडका बजेट लियवले बाडन ।
ई संशोधित बजेट से २१.५६ प्रतिशत बहुते ह । ई बरीस सरकार १७ खरब ५१ अरब ३१ करोड के बजेट लियवले रहे । सरकार चालु बजेट ११ खरब ४० अरब ६६ करोड विनियोजन कईले बा । ई कुल विनियोजन के ६१.३१ प्रतिशत ह ।
पूँजीगत ओरी ३ खरब ५२ अरब ३५ करोड विनियोजन भईल बा । ई कुल बजेट के १८.९४ प्रतिशत ह । वित्तीय व्यवस्था ओरी ३ खरब ६७ अरब १८ करोड विनियोजन भईल बा । ई कुल बजेट के १९.७४ प्रतिशत ह । ई बरीस सरकार से प्रदेश आ स्थानीय तह मे ४ खरब ८ अरब २७ करोड रोपेया हस्तान्तरण करत बा । पिछिलका बरीस ४ खरब ८ अरब रोपेया हस्तान्तरण भईल रहे ।
खर्च बेहोरेवाला स्रोत ओरी राजस्व से सरकार १२ खरब ६० अरब ३० करोड संकलन करेके लक्ष्य रखले बा । ई बरीस राजस्व १२ खरब ४८ अरब ६२ करोड संकलन के लक्ष्य रखले बा ।
आन्तरिक कर्जा से ३ खरब ३० अरब संकलन करेके लक्ष्य रहल बा । वैदेशिक कर्जा से २ खरब १७ अरब ६७ करोड आ वैदेशिक अनुदान से ५२ अरब ३३ करोड जुटावेके अर्थ मन्त्री वर्षमान पुन जानकारी देहनी ।
[5/29, 01:31] Ajay Ncell: १ जनानी सहित २८ जने कईलें खुनदान

भोटा. संवाददाता÷
वीरगंज १५ जेठ,
वीरगंज मे मंगर के दिने आकस्मिक खुदनान कार्जक्रम आयोजना कईल बा । उ कार्जक्रम मे १ जनानी सहित २८ जने खुनदान कईले बाडन ।
गणतन्त्र दिवस के अवसर मे नेपाल रेडक्रस सोसाइटी पर्सा रक्तसञ्चार केन्द्र वीरगंज मे आयोजना कईल आकस्मिक खुनदान कार्जक्रम मे १ जनानी सहित २८ जने खुनदान कईले बाडन ।
खुदान करेवाला मे कुसुम पोदार, बलिराम महतो, आलोक कुमार, विवेक राउत, सुमित पटेल, संजÞय पाण्डे लगायत के रहल नेपाल रेडक्रस सोसाइटी पर्सा शाखा के सदस्य शिवनाथ यादव बतवनी ।
कार्जक्रम मे रेडक्रस सोसाइटी पर्सा के सभापति वीरेन्द्रराज कँडेल, उपसभापति मधु राणा, सदस्य शिवनाथ यादव लगायत के सहभागिता रहल रहे ।