१३ लाख नक्कली रोपेया सहित बारा मे चार जने पकडईलें

प्रभु यादव

बारा १६ जेठ
बारा पुलीस नक्कली नेपाली रोपेया सहित चार जने के पकडले बा । बारा सिम्रौनगढ नगरपालिका–९ कचोर्वास्थित छोटका बसवरीया आ बडका बसवरीया से पुलीस १३ लाख १६ हजार नक्कली रोपेया सहित एक भारतीय आ तीन नेपाली नागरिक के पकडले बा ।
पकडाएवाला मे बारा कोल्हवी नगरपालिका–६ के २५ बरीस के राजन चौधरी, वार्ड नं. ५ के १९ बरीस के आकाश चौधरी, रौतहट राजपुर नगरपालिका वार्ड नं. १ के १९ बरीस के मोहनकुमार साह आ भारत बिहार के मोतिहारी थाना झौखर पञ्चायत कबैया ग्राम खरसलवा ७ के ४० बरीस के महमद आलम बाडन । तीन जने के छोटका बसबरिया आ एक भारतीय नागरिक के बडका बसबरिया से पकडल बारा के प्रहरी प्रवक्ता एवं प्रहरी नायब उपरीक्षक दधिराम न्यौपाने जानकारी देहनी ।
पकडाईल तीन जने से सात लाख सात हजार नक्कली रोपेया बरामद कइल बारा के प्रहरी उपरीक्षक महेन्द्र खड्का जानकारी देहनी । उलोग से प्रयोग कईल ना३४प ३५१२ आ बिआर ०६ ए डब्लु २७५८ नम्बर के दु गो मोटरसाइकल भी पुलीस नियन्त्रण मे लेहले बा ।
भारतीय नागरिक आलम के पुलीस बारा सिम्रौनगढ नगरपालिका ९ बडका बसवरीया से साइकल मे आ रहल अवस्था मे नियन्त्रण मे लेहल प्रहरी उपरीक्षक खड्का पत्रकार सम्मेलन मे बतवनी । आलम के साथ से ६ लाख ९ हजार नक्कली नेपाली रोपेया मिलल बा ।
पकडाईल चार जने उपर जरुरी कारबाही प्रक्रिया अगाडि बढावल बारा पुलीस जनवले बा ।