वर्षात के चलते वीरगंज लगायत पर्सा के जनजीवन प्रभावित

वीरगंज १२ कुवार

बिगत दु दिन से लगातार हो रहल वर्षात के चलते जिल्ला सदरमुकाम वीरगंज आ पर्सा जिल्ला के ग्रामीण भेग भी प्रभावित भईल बा । जिल्ला प्रहरी कार्यालय के प्रवक्ता डीएसपी दीपक भारती के मुताविक वीरगंज महानगरपालिका वार्ड नं ६ आ ७ कुम्हाल टोल मे नाला के पानी निकास ना भईला पर सास्ता आ कुछ घर के आँगन पानी से भरल बा ।

महानगर के वार्ड नं १ आ २ भकुवा आ छपकैंया मे भी वर्षात के पानी के निकास ना भईला से रास्ता जगलग्न भईल बा आ कुछ घर मे पानी घुसल बा । महानगर के वार्ड नं ११ डोम टोल मे सिर्सिया नदी के पानी घुसला पर आधा दर्जन घर मे पानी घुसल बा । कृषि औजार अनुसन्धान केन्द्र भी जलमग्न भईल बा । श्रीपुर–रानीघाट क्षेत्र के सडक मे भी पानी जमल बा ।

वीरगंज–१३ राधेमाई मे वडा प्रहरी कार्यालय श्रीपुर के भवन के पछाडि के भाग मे सिर्सिया नदी के भेल आके नोक्सानी पुगल बा । प्रभावित जगहासब मे पुलीस टोली पुगके स्थानीय के उद्धार के प्रयास जारी रहल डीएसपी पुरी बतवनी । वीरगंज महानगरपालिका–१५ भिस्वा टोल भी पानी के निकास ना भईला से डुबान मे परल बा । वार्ड नं १६ नगवा आ ईनर्वा क्षेत्र भी डुबान मे परल बा ।

वीरगंज के आदर्शनगर क्षेत्र के मुख्य सडक डुबान मे परल बा । सिर्सिया खोला के पानी मुख्य नाला होत प्रवेश कईला के बाद आदर्शनगर क्षेत्र डुबान मे परल बा ।

कृषि औजार अनुसन्धान केन्द्र परिसर वीरगंज मे रहल वर्षा मापन उपकरण मे शनिचर के दुपहरिया तक १ सय ९१ एमएम वर्षा मापन कईल केन्द्र प्रमुख इन्जिनियर सचिन कुमार मिश्रा जानकारी देहनी । उ कार्यालय के आवास गृहसब डुबान मे परल आ कार्यालय परिसर जलमग्न भईल बतवनी ।

वीरगंज महानगरपालिका के मेयर राजेशमान सिंह सामाजिक सन्जाल से महानगरवासी के सिर्सिया नदी के जलस्तर बढके मानवबस्ती प्रवेश कईला से सर्तकर्ता अपनावे खातिर आह्वान कईले बाडन ।

बिन्दवासिनी गाँवपालिका मे तिलाबे नदी मे एप्रोच सडक से जुडल तटबन्ध भसकला पर पुल के जोखिम बढल बा । पकाहामैनपुर गाँवपालिका–२ मे नाला जाम होके निकास ना भईला पर २० घर डुबान मे परल बा । पर्सागढी नगरपालिका–९ मे तिलाबे नदी के जलस्तर बढके एकटाङ्गा–मनवा सडक खण्ड अवरुद्ध भईल बा ।

जिराभवानी गाँवपालिका मे ओरिया खोला के जलस्तर बढके महादेवपट्टी–सेडवा सडक खण्ड अवरुद्ध भईल बा । पटेर्वासुगौली गाँवपालिका–४ मे भलुही खोला के जलस्तर बढला पर पटेर्वासुगौली–शंकरसरैया सडक खण्ड अवरुद्ध भईल बा । पटेर्वासुगौली–२ मे भलुही खोला के जलस्तर बढला के बाद रंगपुर–मनवा सडक खण्ड अवरुद्ध भईल बा । अभी तक मानवीय क्षति के कउनो जानकारी ना आईल डीएसपी भारती जानकारी देहनी ।