बिन्दवासिनी–३ झौवा मे रहल युवराज एकिकृत कृषि फर्म मे आगलागी, लाखो के नोक्सानी

वीरगंज ११ फागुन

पर्सा जिल्ला के बिन्दवासिनी गाँवपालिका वार्ड नं. ३ झौवा मे रहल एगो मुर्गा फर्म मे शनिचर के रात आगलागी भईला से लाखो के नोक्सानी भईल जनावल गईल बा ।
झौवा मे रहल युवराज एकिकृत कृषि फर्म मे शनिचर के रात करिब १२ः४० मे अचानक आगलागी भईला से उ फर्म मे रहल ५ हजार तईयारी आ ७ हजार बच्चासब करके करिब १२ हजार मुर्गा जरके नोक्सान भईल फर्म के सञ्चालक सुकदेव साह कलवार बतवनी ।
उ फर्म मे मुर्गा के खातिर राखल दाना, बरनन, बिछौना सहित फर्म पूर्ण रुप मे जरके नोक्सान भईल सञ्चालक कलवार दुःख सुनवनी । उ आगलागी से करिब ५६ लाख ८५ हजार के मुुर्गामुर्गी सहित सामान जरके नोक्सान भईल सञ्चालक कलवार के कहनाम रहल बा ।
आगलागी के वीरगंज महानगर आ पोखरिया नगरपालिका के बारुण यन्त्र, पुलीस आ स्थानियलोग के सहजोग मे बुतावल गईल स्थानिय पुलीस जनवले बा ।
आगलागी के कारण खुले ना सकला पर भी विद्युत सर्ट होके आगलागी भईल हो सकेके अनुमान कईल पुलीस जनवले बा ।