स्वास्थ्य लाभकै बीच अजय चौरसियाको चुनावी सक्रियता, वडा २८ का कार्यकर्तासँग रणनीतिक छलफल

वीरगञ्ज १६ माघ

खुट्टामा चोट लागेका कारण घरमै स्वास्थ्य लाभ लिइरहेका नेपाली काँग्रेस पर्सा क्षेत्र नं. २ का प्रतिनिधिसभा उम्मेदवार अजय चौरसियाले चुनावी गतिविधि तीव्र पारेका छन्।

उनले वीरगञ्ज–११ श्रीपुरस्थित निवासमा वीरगञ्ज महानगरपालिका वडा नं. २८ का वडाध्यक्ष सरजुग महतोसहित शिवनारायण राम, हरिहर महतो, नागेन्द्र साह, पुरुषोत्तम उपाध्याय र राजकुमार पटेललगायत अगुवा कार्यकर्तासँग आगामी निर्वाचनका विषयमा छलफल गरेका छन्।

छलफलमा संगठन सुदृढीकरण, मतदातासँगको सम्पर्क विस्तार र चुनावी रणनीतिबारे चर्चा गरिएको थियो। स्वास्थ्यमा सुधार भइरहेको जनाउँदै चौरसियाले शनिबारदेखि घरदैलो अभियान सुरु गर्ने बताएका छन्।