भ्रष्टाचार बिरुद्ध आवाज उठावेवाला दु जने विरुद्ध मुद्दा दर्ता
वीरगंज ०७ सावन
भ्रष्टाचार बिरुद्ध आवाज उठावेवाला विरुद्ध पुलीस सार्बजनिक आपराध मुद्दा दर्ता कईले बा ।
पर्सा जिल्ला के कालिकामाई गाँवपालिका वार्ड नं. ४ प्रशुरामपुर मे भईल विकास निर्माण के काम मे अनियमितता भईल कहत बिरोध करेवाला आ अख्तियार दुरुपयोग अनुसन्धान आयोग के कार्यालय मे उजुरी देवेवाला विरुद्ध हि गाँवपालिका के जनप्रतिनिधि के दबाव मे पुलीस मुद्दा दर्ता करके २ जने के नियन्त्रण मे लेहले बा ।
बितल असाढ ३० गते वार्ड मे हो रहल सडक ढलान मापदण्ड विपरित भईल कहत स्थानियलोग विरोध कईले रहलन ।
उहे अनियमितता के सम्बन्ध मे छानविन के माग करत स्थानिय संजय कुमार साह, बैदनाथ राउत बरै, सिकेन्द्र देवान लगायत के ४ जने जिल्ला प्रशासन कार्यालय पर्सा मे निवेदन देहले रहलन ।
उहे बिषय के लेके आजु जिल्ला प्रहरी कार्यालय पर्सा मे होखेके कहल पंचायती मे सहभागि होखे आईल निवेदक संजय साह गोढ आ उनकर भाई रंजित साह गोढ के पुलीस नियन्त्रण मे लेहले बा ।
ई बिषय मे जिल्ला प्रहरी कार्यालय पर्सा के प्रवक्ता प्रहरी उपरिक्षक मनोजित कुँवर से बुझला पर बिकास निर्माण के काम मे खलल पुगावल खसुर मे उलोग के पकडल गईल बतवनी ।
माकिर प्रवक्ता कुँवर कईसन किसिम के बिकास निर्माण के काम मे बाधा पुगवले बाडन कहके पुछला पर खुलावे ना चहनी ।
