सीमा मे सात किलोमिटर दूरी मे सशस्त्र पुलीस
भैरहवा, ३० फागुन,
नेपाल भारत सीमा क्षेत्र मे पडेवाला रुपन्देही मे प्रतिसात किलोमिटर के दूरी मे सशस्त्र प्रहरी बल के बोर्डर आउट पोष्ट रहेके भईल बा । सीमा क्षेत्र मे होखेवाला सीमा अपराध के रोकथाम के खातिर गृहमन्त्रालय नेपाल सँगे सीमा जुडल सीमा क्षेत्र मे ११४ नयाँ बोर्डर आउट पोष्ट थपेके निणर्य कईला सँगे रुपन्देही मे भारतीय सीमा से जुडल पाँच जगहा मे बोर्डर आउट पोष्ट थपेवाला बा ।
पूर्व मे नवलपरासी आ पश्चिम मे कपिलवस्तु मे पडेवाला ई जिल्ला के सीमा क्षेत्र ६० किलोमिटर लम्हर दूरी रहल बा । जिल्ला मे अभी एक गण, तीन गुल्म, चार बोर्डर आउट पोष्ट आ पाँच सुरक्षा बेस रहला मे आउर थप पाँच जगहा मे बोर्डर आउट पोष्ट थपेके सशस्त्र प्रहरी बल नेपाल नम्बर २७ गण के प्रमुख सशस्त्र प्रहरी उपरीक्षक तेजप्रसाद पोखरेल जानकारी देहनी ।
सशस्त्र प्रहरी उपरीक्षक पोखरेल के मुताविक मुख्य कमाण्ड के रूप मे एक गण, नेपाल नम्बर २७ गण, तीन गुल्म नम्बर ३८ गुल्म राजश्व भन्सार सुरक्षा, नम्बर ४३ गुल्म राजश्व चुहावट नियन्त्रण गुल्म आ नम्बर ४१ गुल्म औद्योगिक सुरक्षा गुल्म रहल बा ।
चार बोर्डर आउट पोष्ट मे पजरकट्टी, बोगडी, मजगवा, वयरघाट रहल बा आ पाँच बेस मे बिष्णुपुरा, लुम्बिनी, अमुवा, गङ्गोलिया आ करौता रहल सशस्त्र प्रहरी बल नेपाल नम्बर २७ गण के प्रवक्ता सशस्त्र प्रहरी नायब उपरीक्षक प्रदीपसिंह कार्की बतवनी ।
जिल्ला के भारत सँगे सीमा जुडल आउर पाँच जगहा बुची नाका, सिसुवा नाका, पच्चवारी नाका, मञ्जरिया नाका आ थुमुवा नाका मे नयाँ बोर्डर आउट पोष्ट राखेके प्रक्रिया अगाडि बढल उनकर कहनाम रहे ।
कुसमय के बाद स्थापना करे लागल नयाँ बोर्डर आउट पोष्ट के चलते नेपाल भारत के सीमा क्षेत्र मे होखेवाला सीमा अपराध आ सीमा तस्करी नियन्त्रण मे सहजोग पुगेके रुपन्देहीवासी बतवले बाडन ।
