कोरोना भाइरस सङ्क्रमण रोकथाम तथा ईलाज कोष मे करिब दु अरब जम्मा

काठमाण्डु २६ चईत,

सरकार कोरोना भाइरस के सङ्क्रमण स्थापना कईल कोरोना भाइरस सङ्क्रमण रोकथाम तथा ईलाज कोष मे आजु तक करिब रु दु अरब सङ्कलन भईल बा । प्रधानमन्त्री तथा मन्त्रिपरिषद् कार्यालय के प्रवक्ता राजेन्द्र पौडेल के मुताविक मंगर तक रु एक अरब ८५ करोड ५८ लाख ३४ हजार ४७ कोष मे जम्मा भईल बा ।

उनका मुताविक मंगर के दिने रु एक करोड ८० लाख ५३ हजार ४२७ कोष मे जम्मा भईल बा । नेपाल लाइफ इन्स्योरेन्स रु एक करोड, लाइफ इन्स्योरेन्स रु ५१ लाख, राष्ट्रिय परीक्षा बोर्ड रु ६ लाख ३५ हजार ४४०, बुडिनन्द नगरपालिका रु दु लाख ७० हजार ५६५, राजपुर नगरपालिका दाङ रु दु लाख ६२ हजार ९९४, नेपाल लेखापढी कानून व्यवसायी रु दु लाख, जिल्ला प्रशासन कार्यालय धनुषा से रु एक लाख ५७ हजार ३८, जनक नन्दिनी गाँवपालिका धनुषा से रु एक लाख ४६ हजार ३१६ आ जिल्ला प्रशासन कार्यालय महोत्तरी से रु एक लाख १९ हजार ४९८ सहजोग मिलल बा ।

एहितरे कोष मे नाम नामेसी ना खुलल तथा रु एक लाख से कम सहजोग करेवाला अनेकन आदमी÷संस्था से रु ११ लाख ६९ हजार ५७५ सङ्कलन भईल बा ।

कोष मे बितल सोमार तक रु एक अरब ८३ करोड ७७ लाख ८० हजार ६२० सङ्कलन भईल रहे । सरकार कोरोना भाइरस के रोकथाम के खातिर कोष मे रकम जम्मा करे खातिर आह्वान कईला के बाद कोष मे रकम जम्मा होखेके क्रम बढल बा ।