सदन मे व्यक्तिगत आरोप प्रत्यारोप ना कईल जाँव : सभामुख
काठमाण्डु २५ जेठ
सभामुख अग्निप्रसाद सापकोटा सांसद के सदन मे बोलेके समय मे व्यक्तिगत टीकटिप्पणी आ आरोप प्रत्योरोप ओरी ना जाए खातिर ध्यानाकर्षण करवले बानी ।
प्रतिनिधिसभा के आजु के बईठक मे राष्ट्रिय जनता पार्टी के चन्दा चौधरी इहे जेठ १९ गते के बईठक मे एक सांसद से कईल टिप्पणी उपर आपत्ति जनावत उ विषय रेकर्ड से हटावे के माग कईला के बाद सभामुख उ निहोरा कईले बानी ।
सभामुख उ विषय के बारे मे सभी विवरण लेके कार्यव्यवस्था समिति मे राख के छलफल करेके जनावत उ सम्बन्ध मे रुलिङ भइला से प्रवेश ना करे खातिर निहोरा कइनी ।
साथे उ वर्तमान संकट मे भी सदन चलाके राष्ट्रिय महत्व के विषय मे निष्कर्ष ओरी जा रहल समय मे व्यक्तिगत टीकाटिप्पणी आ आरोप प्रत्योरोप ओरी ना जाए खातिर निहोरा कईनी ।
सांसद चन्दा चौधरी सदन मे हिन्दी भाषा मे बोलल आधार मे भारतीय चेली कहके कईल टिप्पणी उपर आपत्ति प्रकट करत संसद् नियमावली मे हि खुद के सहज होखेवाला भाषा मे सदन मे बोले सकेके व्यवस्था रहल बतवले रहनी ।
एहितरे प्रतिनिधिसभा के आजु के बईठक मे विनियोजन विधेयक, २०७७ अन्तर्गत अनेकन मन्त्रालय के विनियोजन शीर्षक उपर खर्च कटौती के १० प्रस्ताव प्रस्तुत कईल बा ।
बईठक मे विनियोजन विधेयक, २०७७ अन्तर्गत ऊर्जा तथा सिंचाइ, शिक्षा, विज्ञान तथा प्रविधि, संघीय मामिला तथा सामान्य प्रशासन, परराष्ट्र, गृह आ रक्षा मन्त्रालय तथा प्रधानमन्त्री तथा मन्त्रिपरिषद् के कार्यालय, राष्ट्रिय योजना आयोग के सचिवालय, राष्ट्रपति के कार्यालय एवं उपराष्ट्रपति के कार्यालय सम्बन्धी विनियोजन शीर्षक उपर एकमुष्ट छलफल भईल रहे ।
उ मन्त्रालय सम्बन्धी विनियोजन के शीर्षक उपर दुर्गा पौडेल, ज्ञानेन्द्रबहादुर कार्की, प्रेम सुवाल, रामबाबुकुमार यादव, गगनकुमार थापा, अतहरकमाल मुसलमान, डा नारायण खड्का, दिलेन्द्रप्रसाद बडू, भीमसेनदास प्रधान आ प्रकाशमान सिंह एकल आ संयुक्त रूप मे खर्च कटौती के प्रस्ताव प्रस्तुत कईले रहनी ।
उलोग मन्त्रालयगत रूप मे विनियोजन शीर्षक उपर ठोस आ जनापेक्षा के कार्जक्रम ना भईल टिप्पणी करत खर्च कटौती के खातिर आपन आपन प्रस्ताव प्रस्तुत कईले रहनी ।
बईठक मे प्रधानमन्त्री के ओरी से उपप्रधानमन्त्री एवं रक्षामन्त्री ईश्वर पोखरेल राष्ट्रिय सुरक्षा परिषद् के वार्षिक प्रतिवेदन, २०७५÷७६ पेश कईले रहनी ।
