साहिब दरबार सेवा संस्थान के कार्जक्रम मे चार जनानी सहित २५३ जने कईलें खुनदान
वीरगंज ३१ असाढ,
रक्तसञ्चार केन्द्र वीरगंज मे खुन के कमी भईला के बाद साहिब दरबार सेवा संस्थान वीरगंज आ जनता समाजवादी पार्टी नगर कार्यसमिति वीरगंज से आयोजना कईल खुनदान कार्जक्रम मे चार जनजानी सहित २५३ जने खुनदान कईल नेपाल रेडक्रस सोसाइटी पर्सा के कार्यालय प्रमुख उदयराज शर्मा बतवनी ।
वीरगंज महानगरपालिका वार्ड नं.४ बिर्तास्थित परम्परा पार्टी प्यालेस मे आयोजना कईल खुनदान कार्जक्रम साहिब दरबार सेवा संस्थान के अध्यक्ष एवं जसपा के नेता राजेशमान सिंह खुनदान करके सुरुवात कईले रहनी ।
कार्जक्रम मे अनुपमा तिवारी, सङ्गीता दास, निकिता कर्ण, सिपु तिवारी, अनुप पाण्डे, आकाश गुप्ता, अरविन्द महतो, विक्की पोखरेल, उज्ज्वल ठाकुर, जितेन्द्रप्रसाद यादव, अफरोज आलम, नूर आलम अन्सारी, सद्दाम हुसैन, राहुल सिन्हा, शेख मकसुल, अजय मेहता, रञ्जन सर्राफ, रवीन्द्र सिंह, कमरूल होदा, विकाश पटेल, रेयाजुल हक हवारी, राजेश महतो लगायत के लोग खुनदान कईले रहलन ।
जसपा के महानगर अध्यक्ष लियाकत अलि के अध्यक्षता मे भईल कार्जक्रम मे वीरगंज महानगरपालिका के मेयर विजय कुमार सरावगी, जनता समाजवादी पार्टी के नेतालोग शशिकपूर मियाँ, निजामुद्दीन समानी, उमेश सहनी, प्रतिभा सिंह, वार्ड अध्यक्ष बैजु स्वर्णकार, प्रेमबाबू पटेल लगायत के उल्लेखनिय सहभागीता रहल रहे ।
