सर्लाही मे डुब के तीन जने के मृत्यु
जनकपुरधाम ४ सावन
सर्लाही के अलग अलग जगहा मे डुब के एक लइकी सहित तीन जने के मृत्यु भईल बा ।
पुलीस के मुताविक गोडैता, बागमती आ हरिपूर्वा नगरपालिका मे १–१ जने के मृत्यु भईल बा ।
मृत्यु होखेवाला दु जने मानसिक सन्तुलन ठीक ना भईल आदमी बाडन ।
गोडैता नगरपालिका ८ रहेवाला मानसिक सन्तुलन ठीक ना भईल २५ बरीस के विकाश कुमार दास के घर से ५ सय मिटर दक्षिण रहल पोखरा मे डुब के मृत्यु भईल पुलीस जनवले बा ।
एहितरे, बागमती नगरपालिका ६ रहेवाला गोबिन्द सुवेदी के ४२ बरीस के मेहरारु अम्बिका काफले के मानपुर शाखा के नहर मे डुब के मृत्यु भईल बा ।
मानसिक सन्तुलन ठीक ना भईल उ बागमती नगरपालिका ८ स्थित नइहर मे रहत आईल रहली ।
एहितरे, बलवा नगरपालिका ९ घर भईल हरिपूर्वा नगरपालिका ७ बसतपुर रहत आईल बिकाउ ठाकुर के ७ बरीस के बेटी चाँदनी ठाकुर के भी नहर मे डुब के मृत्यु भईल बा ।
उ ईया सँगे खेत मे काम करे गईल रहली । ईया धान रोप रहल समय उ गौशाला नगरपालिका ७ ट्याक्टर बाँधस्थित सेक्टर नहर मे पानी पिए गईल रहली ।
उहे समय मे उहाँ नहर मे डुब के उनकर मृत्यु भईल सर्लाही के प्रहरी प्रवक्ता मदन कुँवर जानकारी देहनी ।
