ताला लगावेवाली जनानीलोग हि पाकाहामैनपुर गा.पा.के ताला तुरली
वीरगंज ०७ सावन,
पर्सा जिल्ला के पकाहामैनपुर गाँवपालिका मे लगावल ताला आजु जनानीलोग हि तुरले बाडि ।
गाँवपालिका उपाध्यक्ष कुसुमी देवी आपन व्यक्तिगत स्वार्थ पूरा ना भईला पर गाँव के जनानीलोग के भुलिया के लगावल ताला ताला आजु जनानीलोग हि तुरले बाडि ।
गाँवपालिका के अध्यक्ष विजयकुमार चौरसिया आ निमित्त प्रमुख कार्यकारी अधिकृत महेश प्रसाद सिंह कार्यालय मे ना रहल समय गाँवपालिका के जनानीलोगके गलत सूचना देके उपाध्यक्ष कुछ जनानीलोग के समुह बोला के ताला लगवईले रहली ।
ताला लागला के बाद गाँवपालिका कार्यालय के कामकाज पुरा रुपसे बन्द रहल रहे ।
गाँवपालिका अध्यक्ष एकतर्फीरूप मे गाँवसभा कईल आ आर्थिक पारदर्शिता ना राखल जईसन आरोप लगावत सावन ४ गते एतवार के दिने कुछ जनानीलोग के समुह जम्मा करके उपाध्यक्ष देवी तालाबन्दी लगवले रहली ।
उपाध्यक्ष देवी आपन निजि प्रयोग के खातिर गाँवपालिका से गाडी लगायत के सेवा सुविधासब मागत आईल बाडि ।
माकिर गाँवपालिका कार्यालय तत्काल गाडी उपलब्ध करावे ना सकेके बतईला के बाद खिंस मे गाँवपालिका के कामकाज बन्द होखेवाला किसिम से लागा लगवले रहली ।
असार ३१ गते पुरा भईल गाँवसभा मे उपाध्यक्ष देवी सहभागी होके अन्तिम तक बईठल रहली ।
माकिर उ उनका के गाँवपालिका से गाडी देवेके माग मे गाँवसभा के सदस्य विरोध जनवला के बाद उ ताला लगवले रहली ।
ताला तुरला के बाद आजु से गाँवपालिका के सभी कामकाजसब फेनु सुचारु भईल गाँवपालिका जनवले बा ।
