पर्सागढी नगरपालिका अनिश्चितकाल के खातिर बन्द
वीरगंज १६ सावन
कोरोना महामारी के उच्च जोखिम मे पडल कहत पर्सा के पर्सागढी नगरपालिका अनिश्चितकाल के खातिर बन्द कईल बा ।
नगरपालिका के प्रमुख प्रशासकीय अधिकृत शालिकराम ढकाल शुक के दिने एगो सूचना जारी करत दोसर सूचना जारी ना होखे तक के खातिर नगरपालिका बन्द होखेके जानकारी देहले बानी ।
महामारी के जोखिम बढला के बाद नगरपालिका से मिलेवाला बहुते जरुरी सेवा बाहेक आउर सेवा बन्द कईल नगर प्रमुख लोक नारायण यादव जानकारी देहनी ।
पर्सागढी के अनेकन स्वास्थ्य संस्था मे कार्यरत ५ जने स्वास्थ्यकर्मी आ एक जने स्थानीय मे कुछ दिन पहिले कोरोना संक्रमण पुष्टि भईल रहे ।
वीरगंज के कोरोना अस्पताल भरला के बाद तीन जने संक्रमित के वगहीस्थित प्राथमिक स्वास्थ्य केन्द्र मे राखल बा । पर्सागढी मे आइसोलेसन सेन्टर ना भईला से समस्या बा ।
संक्रमित के कन्ट्याक्ट ट्रेसिङ मे आईललोग के पीसीआर परीक्षण करावे के तइयारी नगरपालिका से कर रहल बा ।
पीसीआर परीक्षण कईला पर संक्रमण पुष्टि भईल खण्ड मे पर्सागढी तत्काल के खातिर होटल कुमु प्यालेस मे आइसोलेटेड करेके भईल बा ।
ओकरा खातिर पर्सागढी नगरपालिका आ होटलबीच सम्झौता भइल बा ।
‘लक्षण ना भईल संक्रमित के होटल मे व्यवस्थापन कईल जाई, लक्षण भईल के खातिर व्यवस्थित आइसोलेसन सेन्टर हि जरुरी पडि’ कहके बतवनी ।
व्यवस्थित आइसोलेसन बनावे खातिर भी नगरपालिका से तईयारी सुरु कईल बतवनी । पर्सागढी– ४ मे सहकारी संघ के भवन बा ।
ओकरा के हि मर्मत करके आइसोलेसन सेन्टर के रुप मे सञ्चालन कईल जा सकता कि कहके बा ।
’ कहत उ ‘उहाँ कम्ति मे २५ बेड के आइसोलेसन सेन्टर बनावल जा सकता ।’
पर्सागढी मे एगो प्राथमिक स्वास्थ्य केन्द्र आ ४ गो स्वास्थ्य चौकी बा ।
