मुख्यमन्त्री कार्यालय के ६ कर्मचारी मे कोरोना संक्रमण
जनकपुरधाम १९ सावन
प्रदेश २ के मुख्यमन्त्री कार्यालय के ६ जने कर्मचारी मे कोरोना संक्रमण पुष्टि भईल बा ।
सोमार के दिने मुख्यमन्त्री कार्यालय के ६ जने कर्मचारी मे कोरोना संक्रमण देखल गईल धनुषा के प्रमुख जिल्ला अधिकारी प्रेमप्रसाद भट्टराई जानकारी देहनी ।
उनका मुताविक उलोग २२ से ५२ बरीस उमिर समूह के बाडन ।
मुख्यमन्त्री कार्यालय मे खटल १ जने ट्राफिक पुलीस मे भी कोरोना संक्रमण पुष्टि भईल उ बतवनी ।
प्रादेशिक अस्पताल जनकपुरधाम के दु जने चिकित्सक सहित १६ जने कर्मचारी मे भी कोरोना संक्रमण पुष्टि भईल स्वास्थ्य निर्देशनालय के सह–निर्देशक विजय झा जानकारी देहनी ।
झा के मुताविक संक्रमित मेसे २ जने नर्स हउवन आ आउर कर्मचारी बाडन । उलोग २३ से ७२ बरीस उमिर समूह के बाडन ।
एहितरे, प्रादेशिक प्रयोगशाला के २ जने कर्मचारी मे भी कोरोना संक्रमण पुष्टि भईल बा ।
जनकपुरधामस्थित ग्लोबल आईएमई बैङ्क के तीन जने कर्मचारी मे भी कोरोना संक्रमण देखल गईल प्रजिअ भट्टराई बतवनी ।
उलोग के आउर विवरण पत्ता लगावे के काम हो रहल उ बतवनी ।
