नेकपा के नगर कार्य समिति मे अंसारी आ साह
प्रभु यादव
बारा ३१ भादो,
बारा के कलैया उपमहानगरपालिका मे नेपाल कम्युनिस्ट पार्टी (नेकपा) के नगर कार्यसमिति के अध्यक्ष मे जवाहीर अंसारी आ सचिव मे मुकेश साह के प्रदेश नं. २ कमिटी चयन कईले बा ।
नेपाल कम्युनिस्ट पार्टी माओवादी आ नेपाल कम्युनिस्ट पार्टी एमाले के एकता कमिटी मे कलैया उपमहानगरपालिका के नगर कार्यसमिति मे जिल्ला कमिटी से कईल सिफारीस के स्वीकृत कर के अध्यक्ष आ सचिव के चयन कर के पत्र पठवले बा । अध्यक्ष अंसारी एमाले से आ सचिव साह माओवादी के भागबण्डा मे परल बानी ।
बारा जिल्ला मे एकता के क्रम मे स्थानीय चुनाव मे आईल भोट के आधार पर १६ पालिका मे से आठ पालिका मे माओवादी आ आठ पालिका मे एमाले के पुर्व सदस्य मे से अध्यक्ष आ सचिव बनावल गईल पार्टी स्रोत जानकारी देहले बा । अध्यक्ष आ सचिव के प्रदेश कमिटी जिल्ला के सिफारीस मे छनौट कईले बा आ सदस्य लोग के जिल्ला सेही छनौट करे के प्रदेश कमिटि के अध्यक्ष प्रभु साह जानकारी करावले बानी ।
बारा मे रहल पालिका मे जितपुर सिमरा उपमहानगरपालिका मे अध्यक्ष मे कृष्ण खनाल सचिव मे रामसरण बतौला, निजगढ नगर पालिका मे अध्यक्ष दिलबहादुर लामा सचिव मे दिपक खड्का, कोल्हवी नगरपालिका मे अध्यक्ष पृथ्वीराज सिवाकोटी, सचिव मे धिराज काफ्ले, सिम्रौनगढ नगरपालिका मे अध्यक्ष श्यामकिशोर यादव, सचिव मे गगनदेव कुशवाहा, पचरौता नगरपालिका मे अध्यक्ष सुमन साह, सचिव मे मगनी मुखिया, महागढीमाई नगरपालिका मे अध्यक्ष मे प्रहलाद सहनी, सचिव मे ध्रुव साह के नाम जिल्ला कमिटी मे चयन होके आईल बा ।
ओइसही गाँवपालीका मे गाँव कमिटी मे आदर्शकोतवाल गाँवपालिका के अध्यक्ष मे राकेश यादव, सचिव मे लालबाबु यादव, बारागढी गाँवपालिका मे अध्यक्ष धनमाया चौधरी, सचिव मे सरोज ठाकुर, करैयामाई गाँवपालिका मे अध्यक्ष धनिराम चौधरी, सचिव सुरेश यादव, देवताल गाँवपालिका मे अध्यक्ष राजन कुमार सहनी, सचिव कौसल कुमार सिंह, स्वर्ण गाँवपालिका मे अध्यक्ष श्रीभगवान गिरी, सचिव बन्दना सिंह, विश्रामपुर गाँवपालिका मे अध्यक्ष धर्मदेव यादव, सचिव मनिर देवान, परवानीपुर गाँवपालिका मे अध्यक्ष अमर यादव, सचिव लालबाबु पटेल, प्रसौनि गाँवपालिका मे अध्यक्ष विनोद पटेल, सचिव महेश विश्वकर्मा आ फेटा गाँवपालिका मे अध्यक्ष दिपेन्द्र कुशवाहा, सचिव मे विरेन्द्र यादव के प्रदेश कमिटी चयन कर के पत्र जिल्ला कार्यसमिति मे पेठावले बा ।
