पलङ मे लुकाके राखल पटाका सहित एक जने पकडईलें

वीरगंज २१ कातिक

वीरगंज महानगरपालिका से पुलीस बहुते परिमाण मे पटाका सहित एक जने के पकडले बा । पुलीस वीरगंज– १७ अलौं रहेवाला ३२ बरीस के विनोद सहनी के पकडले बा ।

भारत से अवैध रुप मे अनेकन किसिम के पटाका किन के लुकाके राखल सूचना के आधार मे बियफे के रात ११ बजे प्रहरी सहनी के घर मे छापामारी कईले रहे । उ समय मे बक्स पलङ भितर लुकाके राखल अवस्था मे पटाका बरामद कईल जिल्ला प्रहरी कार्यालय पर्सा के प्रवक्ता मनोजीत कुँवर जानकारी देहनी ।

किङ कोब्रा ५० प्याकेट पटाका, मुर्गा छाप पटाका ७ प्याकेट, स्काई ह्विस्टल मुर्गा छाप ७ प्याकेट, चक्कर ब्रोन्ड २ प्याकेट, फलोर पोट्स ४ प्याकेट, सुपर टिट दु प्याकेट, बुलेट मुर्गा छाप २ प्याकेट, फरमुला वेष्ट इभर ९ प्याकेट, क्रान कोड १ प्याकेट, ग्राउन्ड चक्कर ३ प्याकेट, अशोक फाइभ इन १ २ प्याकेट, रेड स्पार्कल्स छुरछुरी पटाका १० प्याकेट, फोर कलर छुरछुरी १४ प्याकेट, फायर वर्कस छुरछुरी, टिल टिल छुरछुरी १०÷१० प्याकेट, वलम्पिक टोर्गेस २ प्याकेट, ह्विस्टिल ह्विल मुर्गा छाप, स्क्रिन स्पार्कल्स १÷१ प्याकेट बरामद कईल पुलीस जनवले बा ।

सहनी विरुद्ध विस्फोटक पदार्थ सम्बन्धी कसुर शीर्षक मे मुद्दा दर्ता करके आउर अनुसन्धान कर रहल जिल्ला प्रहरी कार्यालय पर्सा जनवले बा ।