वीरगंज से २१० क्विन्टल पियाज बरामद
वीरगंज ३० अगहन
पर्सा पुलीस वीरगंज से बहुते परिमाण मे पियाज बरामद कईले बा । वीरगंज महानगरपालिका–६ कुम्हालटोल से २१० क्विन्टल से बेसी पियाज बरामद भईल बा ।
बलिरामजी प्रसाद कलवार वीरगंज–६ कुम्हालटोल मे सञ्चालन कईल दोकान से २१० क्विन्टल ४३६ किलो पियाज बरामद कईल जिल्ला प्रहरी कार्यालय पर्सा जनवले बा ।
भन्सार छल के अवैध रुप मे लियावल पियाज बरामद कईल जिल्ला प्रहरी कार्यालय पर्सा के प्रमुख प्रहरी उपरिक्षक गंगा पन्त जानकारी देहनी ।
उनका मुताविक ५० किलो के ३ सय ९२ बोरा, १८ किलो के १ सय २ बोरा पियाज बरामद भईल बा । बरामद कईल पियाज के वीरगंज भन्सार कार्यालय मे पठावे के तईयारी हो रहल बा ।
एके बेर बहुते परिमाण मे पियाज बरामद भईला के बाद रक्सौल से गाडी मे हि पियाज आईल हो सकेके आशंका कईल बा ।
वीरगंज मे पाँच किलो पियाज के ४ सय ५० रोपेया पड रहिल बा आ सीमावर्ती शहर रक्सौल मे ओकरा से बहुते समस्या मे पियाज मिलेला ।
