खोप अभियान के दुसरका दिन : देशभर २८ हजार ७३२ जने के खोप लागल
काठमाण्डु १५ माघ
कोरोना भाइरस (कोभिड–१९) विरुद्ध के खोप अभियान के दुसरका दिन देशभर २८ हजार से बेसी आदमी खोप लगवले बाडन ।
स्वास्थ्य तथा जनसंख्या मन्त्रालय के प्रवक्ता डा. जागेश्वर गौतम आजु एक प्रेस विज्ञप्ति जारी करत ७७ जिल्ला मे कुल २८ हजार ७३२ जने स्वास्थ्यकर्मी तथा फ्रन्टलाइनर खोप लगावल जानकारी देहले बानी ।
प्रदेश १ मे ३ हजार ८४७, प्रदेश २ मे २ हजार १७४, वाग्मती प्रदेश मे ११ हजार ४६१, गण्डकी प्रदेश मे ४ हजार ८५३, लुम्बिनी प्रदेश मे २ हजार ३०३, कर्णाली प्रदेश मे १ हजार ६७७ आ सुदूरपश्चिम प्रदेश मे २ हजार ४१७ जने खोप लगावल मन्त्रालय जनवले बा ।
प्रवक्ता डा. गौतम खोप मिलल आदमीसब मे अभी तक कउनो भी स्वास्थ्य समस्या ना देखल गईल बतवनी । बुध से सुरु भईल खोप अभियान अन्तर्गत पहिलका दिन ९ हजार ८४ जने खोप लगवले रहलन ।
देशभर के खोप केन्द्रसब मार्फत स्वास्थ्यकर्मी, सरसफाईकर्मी, एम्बुलेन्स तथा शव वाहन चालक लगायत अग्रपंक्ति मे खटेवाला सेवा प्रदायक के पहिलका चरण मे खोप लगावे के लक्ष्य सरकार के बा ।
