आउर २,२९९ जने मे कोरोना संक्रमण, ३४ जने के मृत्यु
काठमाण्डु १८ असाढ
पिछिलका २४ घण्टा मे २,२९९ जने मे कोरोना भाइरस संक्रमण पुष्टि भईल बा ।
स्वास्थ्य तथा जनसंख्या मन्त्रालय के मुताविक ६,५६६ जने मे कईल पीसीआर परीक्षण मे १३९१ आ ४०३० जने मे कईल एन्टिजेन परीक्षण मे ९०८ जने करके २,२९९ जने मे संक्रमण पुष्टि भईल बा ।
एकरा सँगे नेपाल मे कोरोना संक्रमित के कुल संख्या ६ लाख ४२ हजार ९६१ पुगल बा । सक्रिय संक्रमित के संख्या २९ हजार २७४ जने रहल बा ।
पिछिलका २४ घण्टा मे कोरोना भाइरस संक्रमणमुक्त होखेवाला के संख्या ३४५१ रहल बा । कोरोना संक्रमण के चलते ३४ जने के मृत्यु भईल बा ।
एहितरे स्वास्थ्य तथा जनसंख्या मन्त्रालय के मुताविक सबसे बेसी काठमाण्डु मे ३१६, झापा मे ८६, ललितपुर मे ७८, सुनसरी मे ७३, कास्की मे ६४, चितवन मे ५३, धादिङ मे ५२, नवलपरासी पुर्व आ डोटी मे ३९÷३९ जने मे कोरोना संक्रमण देखल गईल बा ।
सप्तरी आ गुल्मी मे ३७÷३७ जने, नुवाकोट मे ३६, भक्तपुर मे ३४, काभ्रेपलाञ्चोक मे ३०, मोरङ आ मकवानपुर मे २९÷२९ जने, रुपन्देही मे २८, तनहुँ मे २५, कपिलवस्तु मे २४, पाल्पा मे २३, लमजुङ मे २१ जने कोरोना संक्रमित थपाईल बाडन ।
एहितरे कैलाली मे १९, दैलेख मे १६ जने, धनुषा, दाङ आ सुर्खेत मे १४÷१४ जने, महोत्तरी मे १२ जने आ रसुवा मे १० जने मे कोरोना संक्रमण देखल गईल मन्त्रालय जनवले बा ।
१० बरीस निचेके ५६ लईकालइकी मे कोरोना संक्रमण पुष्टि भईल बा आ ११ से २० बरीस उमिर समूह के १०२ जने मे कोरोना संक्रमण देखल गईल स्वास्थ्य तथा जनसंख्या मन्त्रालय जनवले बा ।
