आउर २,९७९ जने मे कोरोना संक्रमण, २८ जने के मृत्यु
काठमाण्डु २३ असाढ
पिछिलका २४ घण्टा मे आउर २९७९ जने मे कोरोना संक्रमण पुष्टि भईल बा । २८ जने के कोभिड–१९ संक्रमित के मृत्यु भईल बा ।
स्वास्थ्य तथा जनसंख्या मन्त्रालय के मुताविक देशभर ७८३५ जने के पीसीआर टेष्ट कईला पर २०७७ जने मे संक्रमण पुष्टि भईल बा । ई संख्या खुदे मे कम भईल मन्त्रालय के प्रवक्ता डा. कृष्ण पौडेल बतवनी । लक्षण भईल कोरोना संक्रमित के सरकारी अस्पतालसब मे निःशुल्क परीक्षण होखेके कहत उ जदि केहु के कोरोना संक्रमण लक्ष्मण भईला पर परीक्षण करावे खातिर निहोरा कईनी ।
एहितरे देशभर मे ४०६३ जने के एन्टिजेन परीक्षण कईला पर ९०२ जने मे संक्रमण पुष्टि भईल बा ।
मन्त्रालय के मुताविक आउर भईल संक्रमित मेसे काठमाण्डु उपत्यका के ५४३ जने बाडन, जउना मे काठमाण्डु के ३९०, ललितपुर के ८६ आ भक्तपुर के ६७ जने बाडन ।
अभी उपत्यका के तीन सहित कास्की, चितवन, मकवानपुर, झापा, मोरङ आ सुनसरी मे संक्रिय संक्रमित के संख्या ५०० से बेसी बाडन ।
कउन जिल्ला मे केतना संक्रमित थपईलें ?
स्वास्थ्य तथा जनसंख्या मन्त्रालय के मुताविक सबसे बेसी काठमाण्डु मे ३९०, कास्की मे २१०, चितवन मे २०६, झापा मे १६९, सुनसरी मे १२४ आ मोरङ मे १२३ जने मे कोरोना संक्रमण देखल गईल बा ।
एहितरे ललितपुर मे ८६, नवलपरासी पूर्व मे ७२, मकवानपुर मे ६८, भक्तपुर मे ६७, काभ्रेपलाञ्चोक मे ६५, कैलाली मे ५१, रुपन्देही मे ४२ जने कोरोना संक्रमित थपाईल बाडन ।
नुवाकोट मे ३७, तनहुँ मे ३५, पाल्पा मे २६, बर्दिया मे २१, सिन्धुपाल्चोक मे आ स्याङजा मे २०÷२० जने, जुम्ला मे १९, धनकुटा मे १७, गोरखा मे १५, दाङ मे १३, धादिङ मे १२, कञ्चनपुर मे ११ जने मे कोरोना संक्रमण पुष्टि भईल मन्त्रालय जनवले बा ।
एहितरे १० बरीस निचेके ७६ लईकालइकी मे कोरोना संक्रमण देखल गईल बा आ ११ से २० बरीस उमिर समूह के १९० जने मे कोरोना संक्रमित थपाईल स्वास्थ्य तथा जनसंख्या मन्त्रालय जनवले बा ।
