प्याब्सन पर्सा के अध्यक्ष मे प्रधान चयनइ
वीरगंज ०३ पुस
निजी तथा आवसीय विद्यालय अर्गनाइजेशन (प्याब्सन) पर्सा के १५ वाँ जिल्ला अधिवेशन आजु पुरा भईल बा । अधिवेशन से प्याब्सन पर्सा के अध्यक्ष मे पुरन प्रधानसहित सभी १८ सदस्यीय कार्य समिति निर्विरोध चयन भईल बाडन ।
होटल भिस्वा मे भईल अधिवेसन के बन्द सत्र से अध्यक्ष मे प्रधानसहित वरिष्ठ उपाध्यक्ष मे सरोज प्रसाद चौधरी, उपाध्यक्ष मे शिव गुप्ता, सचिव मे राहुल श्रीवास्तव, कोषाध्यक्ष मे सुशीला साह, सह सचिव मे विरेन्द्र यादव, सह कोषाध्यक्ष मे रामकिशोर यादव के निर्विरोध चयन कईले बा ।
एहितरे सदस्य मे परिक्षा पिया लामा, राजेन्द्र चौधरी, मार्टिन मोक्तान, जेपी चौरसिया, सन्तोष कुमार, विश्वराज घिमिरे, सुरेश पन्त आ सुदिल कुमार भी निर्विरोध चयन भईल बाडन । नव गठित कार्यसमिति के पदाधिकारी सहित सदस्यलोग के प्रमुख निर्वाचन आयुक्त मणि पाख्रिन आजु हि शपथ खिअवले रहनी ।
एकरा से पहिले प्याब्सन पर्सा के १५ वाँ जिल्ला अधिवेशन के नेपाल सरकार के वन तथा वातावरण मन्त्री रामसहाय यादव पानस मे बत्ती बारके उदघाटन कईले रहलन ।
अधिवेशन उदघाटन समारोह के सम्बोधन करत मन्त्री यादव गुणस्तरीय आ व्यावहारिक शिक्षा के सर्वसुलभ बनावे के बात मे जोड देहनी । मन्त्री यादव वीरगंज मे विश्वविद्यालय बनावे खातिर पहल करेके प्रतिबद्धता भी जनवले रहनी ।
अनिवार्य र निःशूल्क शिक्षा प्रदान करेके सरकार के दायित्व मौलिक हक मे उल्लेख भईला पर भी व्यावहारिक रुप मे कार्यनयन होखे ना सकला मे चिन्ता व्यक्त करत मन्त्री यादव सहकार्य आ समन्वयात्मक भूमिका खेलेके बतवनी ।
प्याब्सन पर्सा के नि. वर्तमान अध्यक्ष डा. हरिशंकर साह के अध्यक्षता मे भईल कार्जक्रम मे पर्सा क्षेत्र नं. ३ के निलम्वित सांसद हरिनारायण रौनियार, प्रदेश सांसद करिमा बेगम, वीरगंज महानगरपालिका के मेयर विजय कुमार सरावगी, चण्डी प्रसाद गण वीरगंज के प्रमुख सेनानी मनोज कार्की, प्याब्सन के केन्द्रिय सदस्य प्रकाश उपाध्याय, नेकपा एमाले के पर्सा अध्यक्ष प्रभु हजरा, नेपाली काँग्रेस जिल्ला सचिव श्याम पटेल, लोकतान्त्रिक समाजवादी पार्टी के शंकर कर्ण, प्रहरी उपरीक्षक रमेश बस्नेत, सुशिला साह, अभिभावक संघ के अध्यक्ष अमर गौतम लगायत के सहभागीता रहल रहे । कार्जक्रम के सहजिकरण अशोक संग्रौला कईले रहनी ।
