कालिका टाईम्स पत्रिका के बार्षिकोत्सव के अवसर मे मैत्रिपूर्ण फुटबल प्रतियोगिता, पत्रकार के समुह जितल

वीरगंज १६ माघ

वीरगंज से प्रकाशित होत आईल कालिका टाईम्स दैनिक पत्रिका के पहिलका बार्षिकोत्सव के अवसर मे पर्सा के पत्रकार आ निजामती कर्मचारी बीच भईल मैत्रीपूर्ण फुटबल प्रतियोगिता मे पत्रकार के टोली जितल बा ।

प्रदेश प्रहरी विपद व्यावस्थापन गुल्म वीरगंज के खेलमैदान मे भईल खेल मे पत्रकारलोग के टोली ७–३ गोल अन्तर से विजयी भईल बा ।

जितल पत्रकारलोग के टोली के प्रमुख अतिथि पूर्व मन्त्री एवम् नेपाली कांग्रेस के केन्द्रीय सदस्य अजय कुमार चौरसिया शिल्ड आ मेडल वितरण कईले रहलन ।

एहितरे उपविजेता कर्मचारीलोग के टोली के प्रदेशसभा सदस्य राजेश्वर साह तेली शिल्ड वितरण कईले रहनी । विजेता टिम के पत्रकारलोग के जिल्ला प्रहरी कार्यालय पर्सा के प्रमुख प्रहरी उपरीक्षक रमेश कुमार बस्नेत आ उप विजेता कर्मचारीलोग के रेडियो वीरगंज के कार्यकारी अध्यक्ष ध्रुव साह मेडल पहिनईले रहनी ।

प्रतियोगिता के उत्कृष्ट खेलाडी पत्रकारलोग के ओरी से मनोज पटेल घोषित भईल रहलन । उनका के नेपाल पत्रकार महासंघ के केन्द्रीय सदस्य केसी लामिछाने शिल्ड तथा मेडल वितरण कईले रहनी ।

कालिका टाईम्स दैनिक के प्रवन्ध निर्देशक छठु साह के अध्यक्षता मे भईल कार्जक्रम मे नेकपा एकीकृत समाजवादी के वीरगंज महानगर अध्यक्ष मनोज चौधरी, लोकतान्त्रिक समाजवादी पार्टी के महानगर अध्यक्ष ओमप्रकाश सर्राफ, जिल्ला प्रहरी कार्यालय पर्सा के प्रहरी उपरीक्षक रमेश कुमार बस्नेत, समाजवादी प्रेस संगठन नेपाल के केन्द्रीय सदस्य राघव साह, रेडियो वीरगंज एवम् टिभि वीरगंज के कार्यकारी अध्यक्ष ध्रुव साह, प्रेस सेन्टर नेपाल पर्सा के अध्यक्ष दीपक गौतम, प्रेस चौतारी पर्सा के उपाध्यक्ष तुलसी भण्डारी, नेपाल निजामती कर्मचारी संगठन पर्सा के उपाध्यक्ष संदिप पटेल लगायत के लोग शुभकामना मन्तव्य रखले रहनी ।

पत्रिका के सम्पादक शम्भु कुमार सुमन से संचालन आ कालिका टाईम्स अनलाइन के सम्पादक एवम् समाजवादी प्रेस संगठन नेपाल के केन्द्रिय सदस्य बृजलाल पासवान से स्वागत कईल कार्जक्रम मे पर्सागढी नगरपालिका के मेयर लोकनारायण यादव, सखुवा प्रसौनी गाँवपालिका के अध्यक्ष प्रदिप जयसवाल, पर्सा के सहायक प्रमुख जिल्ला अधिकारी भिमकान्त पौडेल, वीरगंज उद्योग वाणिज्य संघ के अध्यक्ष सुबोध गुप्ता, नेपाल पत्रकार महासंघ पर्सा के कोषाध्यक्ष संजिव मिश्रा, नेपाली कांग्रेस पर्सा क्षेत्र नं. २ के सभापति महममद सहाबुदिन, नेता रमेश पाण्डे, रामरुप कुर्मी, नविन सिंह, राकेश यादव, सामाजिक संस्था जिल्ला समन्वय समिति पर्सा के अध्यक्ष इब्राहिम देवान, महासचिव राम प्रबेश साह, प्रेस सेन्टर नेपाल के केन्द्रीय सदस्य नीरज पिठाकोटे मगर, अनेरास्ववियु क्रान्तिकारी के शिवम साह, नेवि संघ के दिलिप राज कार्की, मनोज साह, डा. महेश सिंह धामी लगायत के सहभागीता रहल रहे ।