महाशिवरात्रि मे ब्रह्माकुमारी वीरगंजद्वारा आध्यात्मिक प्रवचन एवं शिवझण्डारोहण
वीरगंज १७ फागुन
ब्रह्माकुमारी राजयोग सेवा केन्द्र वीरगंज के आयोजना मे ८६ वाँ त्रिमुर्ति शिव जयन्ति के पावन अवसर मे आयोजना कईल परमात्म–प्रत्यक्षता के महापर्व महाशिवरात्रि विषयक प्रवचन तथा शिवझण्डारोहण समारोह पुरा भईल बा ।
सेवा केन्द्र के क्षेत्रीय निर्देशक रविना दिदि के अध्यक्षता मे भईल उ कार्जक्रम मे प्रमुख अतिथि पर्सा के प्रमुख जिल्ला अधिकारी उमेश कुमार ढकाल ब्रह्माकुमारी संस्था मानव के रीस राग, अहम आ लोभलालच के छोड के शान्ति के रास्ता मे अग्रसर होखेमे पुल के काम कईल उपर सराहना करत शान्ति से, समृद्धि आ समृद्धि से विकास के उदय होखेके बतवनी ।
कार्जक्रम मे समाजसेवी उषा शाह, मधु राणा, नेजामुदिन समानि, वीरगंज मनपा वार्ड न.४ के वार्ड अध्यक्ष जगत साह कानु, जिल्ला प्रहरी कार्यालय पर्सा के प्रहरी नायब उपरीक्षक ओमप्रकाश खनाल, सशस्त्र प्रहरी नायब उपरीक्षक निर्मल थापा, सामुदायिक सेवा केन्द्र छपकैया–२ के अध्यक्ष हाजि ग्यासुदिन ठकुराई, नेकपा समाजवादी पर्सा के संयोजक बालगोपाल थापा, नारायणी अस्पताल के प्रवक्ता डा. उदय नारायण सिंह, सञ्चारकर्मी अजित भुजेल लगायत के सहभागीता रहल रहे ।
कार्जक्रम मे बहिनीलोग ज्योति आ बालि सुन्दरी नृत्य प्रस्तुत कईले रहलन । राजयोग कमेन्ट्री ब्ररुह्माकुमारी मिना दिदी तथा ब्रह्माकुमार गोकुल गुभाजू शिवरात्रि के आध्यात्मिक रहस्य बारे मे प्रकाश पारल उ समारोह मे स्वागत मन्तव्य छपकैया सेवा केन्द्र के सञ्चालिका ब्रकु बेलि दिदी तथा कार्जक्रम के सहजीकरण ब्रकु गोबर्धन चौधरी कईले रहनी ।
