जिल्ला प्रहरी कार्यालय के आयोजना मे भईल कार्जक्रम मे १०२ जने कईलें खुनदान
वीरगंज २८ सावन
वडा प्रहरी कार्यालय श्रीपुर आ जिल्ला प्रहरी कार्यालय पर्सा के संयुक्त आयोजना मे भईल कार्जक्रम मे ४ जनानी सहित १ सय २ जने खुनदान कईले बाडन ।
जिल्ला प्रहरी कार्यालय पर्सा के प्राङ्गण मे भईल कार्जक्रम मे नेपाल प्रहरी, सशस्त्र प्रहरी आ नेपाली सेना करके ७१ जने सुरक्षाकर्मी आ ३१ जने सर्वसाधरण नागरिक खुनदान कईल रक्त सञ्चार केन्द्र वीरगंज के प्राविधिक प्रमुख सौरभराज पाण्डे बतवले बानी । खुनदान करेवाला मे बबिता पासवान, भावना घिमरे, राज पहरी, नमिता पाख्रीन, श्यामबाबु यादव, जितेन्द्र मण्डल, राजेश पण्डित लगायत के लोग रहल बतवनी ।
हरदम सुरक्षा क्षेत्र मे खटेवाला सुरक्षाकर्मीलोग मानवीय उत्तरदायित्व भी बहन करत खुनदान कईल पर्सा के प्रहरी उपरीक्षक कोमल शाह बतवनी । खुन के माग बढत गईल अवस्था मे माग के परिपूर्ती करेके अभिप्राय के साथ खुनदान कार्जक्रम के आयोजना कईल वडा प्रहरी कार्यालय श्रीपुर के प्रहरी निरीक्षक आशुतोष बहादुर शाही बतवनी ।
कार्जक्रम मे पर्सा के सहायक प्रमुख जिल्ला अधिकारी भिमकान्त पौडेल आ शीवप्रसाद लम्साल, प्रहरी उपरीक्षक शाह, प्रहरी नायब उपरीक्षक दिपक गिरी, सशस्त्र प्रहरी उपरीक्षक सुमन थपलीया, नेपाली सेना श्रीजंग गण के प्रमुख सेनानी डायमण्ड कार्की लगायत के सहभागीता रहल रहे ।
