राष्ट्रिय झण्डा चोरी कईल आरोप मे ११ जने विरुद्ध सार्वजनिक मुद्दा दर्ता

वीरगंज ०२ अगहन

पर्सा जिल्ला के पर्सागढी नगरपालिका वार्ड नम्बर ९ स्थित बडेर्बा पुल मे लगावल नेपाल के राष्ट्रिय झण्डा चोरी करेवाला ११ जने विरुद्ध पुलीस सार्वजनिक मुद्दा दर्ता करके कारबाही प्रक्रिया अगाडि बढवले बा ।

ईलाका प्रहरी कार्यालय पटेर्वा सुगौली आ प्रहरी चौकी मनवा से खटल पुलीस टोली स्थानीयबासी के सहजोग मे बितल बुध के रात ११ जने के रंगेहात पकडल गईल रहे ।

पकडाएवाला मे पर्सागढी नगरपालिका–१ मनवा टोल के अङ्कित पटवारी, सुलभ श्रेष्ठ, विश्वास चौधरी, निर्मल चौधरी, कृष्ण प्रसाद पोख्रेल, बिराज ठाकुर, दिपु ओझैया, सागर चौधरी, एहितरे सखुवा प्रसौनी गाँवपालिका– १ सखुवनिय टोल के गौतम महतो, नन्दन दास थारु आ लक्की चौधरी रहल ईलाका प्रहरी कार्यालय पटेर्वा सुगौली के प्रहरी निरीक्षक रामराजा केशरी जानकारी देहनी । पकडाईल ११ जने के पर्सा जिल्ला अदालत मे उपस्थित कराके अनुसन्धान के खातिर १० दिन म्याद थप करके हिरासत मे राखल केशरी जानकारी देहनी । पकडल गईल सभी के ईलाका प्रहरी कार्यालय पटेर्वा सुगौली मे राखल बा ।

बडर्वा पुल के सौन्दर्यकरण के खातिर स्थानीयबासी पुल मे लगावल ५० से बेसी झण्डा बुध के रात उच्छृंखल युवालोग के एक समुह चोरी कईले रहे । पुल के झण्डा चोरी भईला के बाद स्थानीय पुलीस मे खबर कईला के बाद पुलीस झण्डा चोरी करेवाला ११ जने के पकडले रहे ।