प्याब्सन के आयोजना मे अन्तर विद्यालय नकआउट टि–२० क्रिकेट आ जुनियर फुटबल प्रतियोगिता होखी
भोटा. संवाददाता /
वीरगंज ०४ माघ, पर्सा जिल्ला मे प्याब्सन जुनियर नकआउट फुटबल तथा अन्तर विद्यालय नकआउट टि–२० क्रिकेट टुर्नामेन्ट–२०८० होखेके जनावल गईल बा ।
प्याब्सनद्धारा वीरगंज के होटल भिस्वा मे पत्रकार सम्मेलन करके निजी तथा आवासीय विधालय अर्गनाइजेशन नेपाल वीरगंज पर्सा के आयोजना मे ८ वाँ क्रिकेट तथा फुटबल टुर्नामेन्ट होखेके जनवले बा । वार्षिक क्यालेन्डर मुताविक प्याब्सन हरेक बरीस जईसन ई बरीस भी प्रतियोगिता के आयोजना करे लागल आयोजक जनवले बा ।
प्याब्सन पर्सा के अध्यक्ष पुरन प्रधान के मुताविक टुर्नामेन्ट अन्र्तगत माघ ६ गते से वीरगंजस्थित आदर्शनगर रङ्गशाला मे प्रतियोगिता होखी । प्रतियोगिता मे जिल्ला भर के ३० गो विद्यालयसब बीच प्रतिस्पर्धा होखी । प्रतियोगिता आयोजना के खातिर करिब ७ लाख ८२ हजार ४५० बजेट छुट्यावल गईल बतवनी ।
एहितरे माघ ७ गते से जिल्ला प्रहरी कार्यालय पर्सा के खेलमैदान मे फुटबल प्रतियोगिता होखेके ब्याबसन वीरगंज महानगर अध्यक्ष आलोक कुमार चौरसिया बतवले बानी । प्रतियोगिता मे जिल्लाभर के २४ विद्यालय के विद्यार्थीलोग प्रतिस्पर्धा करेके आयोजक जनवले बा । कुल ४ लाख ६३ हजार ३६० रोपेया के लागत मे प्रतियोगिता होखी ।
क्रिकेट प्रतियोगिता मे गौतम स्कुल, ज्ञान ज्योति स्कुल, सन लाइट स्कुल, सिद्धार्थ इन्टरनेशनल स्कुल, न्यु वेभ एकेडेमी, वीरगञ्ज पब्लिक स्कुल, वीरगञ्ज एकेडेमी, एमईएस स्कुल, नेपाल कावेरी एकेडेमी, माउन्ट एडमण्ड सेकेण्डरी स्कुल, जीवन ज्योति स्कुल, हिमालयन पिरामिड स्कुल, माउन्ट मकालु स्कुल, म्यास्कट एकेडेमी, मनकामना स्कुल, अल्पाइन स्कुल, मेरी गोल्ड स्कुल, विद्या सागर स्कुल, बिकन स्कुल, गोल्डेन फ्युचर स्कुल, श्री आदर्श स्कुल, मिनिल्यान्ड स्कुल, साउथ जोन स्कुल, सेन्ट जेभियर्स स्कुल, मालिनी एकेडेमी, ओम नेशनल स्कुल, मून लाइट स्कुल, ज्ञानदा एकेडेमी, लिटिल एन्जल्स स्कुल आ एसआर ग्यालेक्सी एकेडेमी सहभागिता जनावल संयोजक अमित आलोक बतवनी ।
एहितरे फुटबल प्रतियोगिता मे सफल एकेडेमी, एसआर ग्यालेक्सी एकेडेमी, गौतम स्कुल, चिल्ड्रेन वर्ल्ड स्कुल, नेपाल कावेरी एकडेमी, वीरगंज पब्लिक स्कुल, साउथ जोन स्कुल, न्यु वेभ एकेडेमी, श्री आदर्श स्कुल, डीएभी स्कुल, सन साइन स्कुल, ज्ञानदा एकेडेमी, लिटिल फ्ल्वार स्कुल, जीवन ज्योति स्कुल, मिनिल्यान्ड स्कुल, बिकन् स्कुल, ओम नेशनल स्कुल, नवदीप एकेडेमी, मून लाइट स्कुल, ज्ञान ज्योति स्कुल, एमइएस स्कुल, मनोकामना स्कुल, गुरुकुल एकेडेमी आ म्यास्कट एकेडेमी सहभागी जनावल नगर अध्यक्ष चौरसिया बतवनी ।
प्रतियोगिता देखे खातिर कउनो शुल्क ना लागेके, राष्ट्रिय स्तर के खेलसब मे सहभागी अम्पायर तथा रेफरीसब के निरीक्षण मे प्रतियोगिता पुरा होखेके प्याब्सन वीरगंज के अध्यक्ष आलोक चौरसिया बतवनी । खेलाडीलोग के खातिर दैनिक खाजा के व्यवस्था, एम्बुलेन्स आ आपत्कालीन स्वास्थ्य ईलाज के व्यवस्थापन भी कईल चौरसिया बतवनी ।
पत्रकार सम्मेलन मे प्याबसन पर्सा के उपाध्यक्ष सरोज प्रसाद चौधरी, शिव गुप्ता, सचिव राहुल श्रीवास्तव, कोषाध्यक्ष रामकिशोर यादव, विरेन्द्र यादव, नगर सचिव सन्नी पख्रिन, सदस्य अनिल आलोक, ईमामुदिन अहमद, स्याम केसी, स्याम ठाकुर लगायत के सहभागिता रहल रहे ।
