बारा मे रहल नेपोभिट टायल उद्योग मे आगलागी, करोडो के नोक्सानी

सिमरा १७ अगहन

नेपाभिट ब्राण्ड के टायल उत्पादन करत आईल जीतपुरसिमरा उपमहानगरपालिका वार्ड नं. ८ स्थित नेपाल सेरामिक इण्डष्ट्रिज मे एतवार के दिने आगलागी भईल बा ।

आगलागी से करोडो मूल्य बराबर के क्षति भईल बा । उद्योग से उत्पादन भईल टायल भण्डारण करेवाला क्षेत्र मे दिनके करिब साढे ३ बजे से आगी लागल बा । उ क्षेत्र से सुनुगल आगी उद्योग के आउर जगहा मे फईलल रहे । समाचार तईयार करे तक उद्योग के आगी नियन्त्रण मे अईला पर भी पूर्ण रूप मे आगी बुते नईखे सकल । आगी जीतपुरसिमरा, कलैया उपमहानगरपालिका, वीरगंज महानगरपालिका, वीरगंज स्थित नेपाल प्रहरी के दमकल के सहजोग मे नियन्त्रण मे लियावल गईल रहे ।

दमकल सँगे आगी बुतावे खातिर नेपाल पुलीस, सशस्त्र पुलीस, स्थानीय आ उद्योग के मजदुर खटल रहलन । आगलागी से करोडो मूल्य बराबर के क्षति भईल उद्योग के संचालक शम्भुनाथ झाका सहजोगी जानकारी देहले बाडन ।

आगलागी से भईल क्षति के विवरण पुष्टि होखेके बाँकी रहला पर भी कराडो मूल्य परेवाला मेसिन, उत्पादन करके राखल टायल आ उद्योग के संरचना मे नोक्सानी पुगल बा ।