पुवरा भितर लुका के राखल सखुवा के लकडी के गुलीया पकडाईल

वीरगंज २० अगहन

पर्सा पुलीस पुवरा भितर लुकाके राखल अवस्था मे ७ थान सखुवा के गोलिया बरामद कईले बा ।

विशेष सूचना के आधार मे इलाका प्रहरी कार्यालय पटेर्वासुगौली आ अस्थाई प्रहरी पोस्ट मनवा के टोली मंगर के दिने सँझिया करिब साढे ५ बजे के समय मे कोइलाभार टोल मे पुवरा भितर राखल सखुवा के गोलिया बरामद कईल प्रहरी निरीक्षक रामराज केशरी बतवनी ।

पुलीस के मुताविक ४० इन्च मोटाइ आ ७ फिट लम्बाइ के एक थान, ३५ इन्च मोटाइ आ ४ फिट लम्बाई के २ थान, ३० इन्च मोटाइ आ ४ फिट लम्बाइ के ४ थान गुलीया बरामद भईल बा । बरामद कईल सखुवा के गोलिया सब डिभिजन वन कार्यालय सखुवनिया के जिम्मा लगावल गईल इलाका प्रहरी कार्यालय पटेर्वासुगौली के प्रहरी निरीक्षक रामराज केशरी बतवनी ।