वीरगंज–१९ बिन्दबासिनी मे निःशुल्क आँख तथा स्वास्थ्य शिविर पुरा

वीरगंज १२ जेठ

पर्सा के वीरगंज महानगरपालिका वार्ड नं. १९ मे रहल बिन्दवासिनी स्वास्थ्य चौकी मे शनिचर के दिने निःशुल्क आँखा तथा स्वास्थ्य शिविर पुरा भईल बा ।
वीरगंज महानगरपालिका वार्ड नं. १९ के योजना मे भईल शिविर से १७० जने जनानी आ १३० जने पुरुष करके जम्मा ३०० जने लाभान्वित भईल स्वास्थ्य चौकी अधिकृत शिव हरि तिवारी बतवनी ।
शिविर मे जेष्ठ नागरिक विशेषज्ञ डा. अनुपम उपाध्याय, नेत्र रोग विशेषज्ञ डा.पवन राज पटेल, बाल तथा शिशुरोग विशेषज्ञ डा. आनन्द रौनियार, स्त्री रोग विशेषज्ञ डा. नाज्दा , फिजिसियन डा. शैलेजानन्द भुरेर लगायत के टिम आँख तथा स्वास्थ्य चेकजाँच कईले रहलन ।
वीरगंज महानगरपालिका वार्ड नं. १९ के कार्यवाहक अध्यक्ष उपेन्द्र प्रसाद यादव के अध्यक्षता मे भईल कार्जक्रम मे बिन्देश्वर चौरसिया, वीरगंज महानगरपालिका के मेयर राजेशमान सिंह के सचिवालय सदस्य सत्यराज घिमिरे, वार्ड सदस्य बिनोद चौरसिया, दिनेश साह कालवार, अमित यादव, संचारकर्मी रामेश्वर चौरसिया, कर्मचारी, सुरक्षाकर्मी, बुद्धिजीवी एवं स्थानीयलोग के उल्लेखनिय सहभागिता रहल रहे ।