राष्ट्रियसभा मे सत्ता गठबन्धन के १८ जने उम्मेदवार विजयी

काठमाण्डु ११ माघ

राष्ट्रियसभा निर्वाचन मे सत्ता गठबन्धन के १८ जने उम्मेदवार विजयी भईल बाडन । एक जने प्रमुख प्रतिपक्षी दल नेकपा एमाले के उम्मेदवार विजयी भईल बाडन ।

कोशी प्रदेश मे गठबन्धन से नेपाली कांग्रेस के कृष्णप्रसाद सिटौला विजयी भईलें आ एमाले के रुक्मिणी कोइराला विजयी भइनी । कोइराला माओवादी उम्मेदवार चम्पादेवी कार्की के पराजित कईले रहनी । कोइराला ५ हजार ८६ मत लिअईला पर प्रतिस्पर्धी चम्पादेवी ४ हजार ९९२ मत लिअईनी । कांग्रेस के कुछ मतदाता फ्लोर क्रस कईला के बाद एमाले उम्मेदवार कोइराला विजयी भईल रहनी ।

एहितरे सिटौला ५ हजार २९२ मत प्राप्त कईलें आ उनकर प्रतिद्वन्द्वी राप्रपा के उद्धव पौडेल ४ हजार ५६२ मत लिआईल बानी । उलोग बीच ७३० के मतान्तर रहल ।

एहितरे मधेस प्रदेश मे गठबन्धन के उम्मेदवार विजयी भईलें । कांग्रेस के आनन्दप्रसाद ढुंगाना आ जनता समाजवादी पार्टी के पूजा चौधरी विजयी भईल बाडन । ढुंगाना ७ हजार ३७० मतभार लिअईलें आ पूजा ७ हजार ९२३ मतभार लिअईली । उलोग के प्रतिद्वन्द्वी एमाले के विजेता झा २ हजार ४८४ मतभार लिअईली आ उषा चौधरी के दु हजार ४४६ मतभार आईल बा ।

एहितरे बागमती प्रदेश मे गठबन्धन के चार जने हि उम्मेदवार विजयी भईल बाडन । कांग्रेस के जीतजंग बस्नेत आ विष्णुदेवी पुडासैनी, माओवादी के श्रीकृष्ण अधिकारी आ नेकपा एकीकृत समाजवादी के घनश्याम रिजाल विजयी भईल बाडन । बस्नेत ६५३१ मतभार, पुडासैनी के ६६२२ मतभार आईल आ अधिकारी ६३८३ आ रिजाल के ६५१२ मतभार आईल बा ।

एहितरे गण्डकी मे गठबन्धन के तीन जने उम्मेदवार विजयी भईलें । कांग्रेस के किरणबाबु श्रेष्ठ, पदमबहादुर परियार आ माओवादी के मनरुपा शर्मा निर्वाचित भईल बाडन । श्रेष्ठ ३८०८, मनरुपा से ३६६० आ परियार के ३७७९ मतभार आईल ।

एहितरे लुम्बिनी प्रदेश मे गठबन्धन के दुनु उम्मेदवार विजयी भईलें । कांग्रेस के विष्णुकुमारी सापकोटा आ माओवादी के झक्कुप्रसाद सुवेदी विजयी भईल बाडन । सापकोटा ५४३५ मतभार प्राप्त कईनी ।

एहितरे कर्णाली प्रदेश मे गठबन्धन के तीन जने उम्मेदवार विजयी भईल बाडन । एकीकृत समाजवादी के सावित्री मल्ल, कांग्रेस के कृष्णबहादुर रोकाया आ माओवादी के विष्णु विक निर्वाचित भईल बाडन । मल्ल के ३ हजार ७२२, रोकाया के ३ हजार ८७० आ विक के ३ हजार ८१७ मतभार आईल बा ।

एहितरे सुदूरपश्चिम प्रदेश मे भी गठबन्धन के तीन जने उम्मेदवार विजयी भईलें । कांग्रेस के नारायणदत्त भट्ट ४ हजार ४१९ मतभार, बलदेव बोहरा ४ हजार ३२८ मतभार आ माओवादी के रेणु चन्द ४ हजार ४५३ मतभार सहित विजयी भईलें ।