आगलागी से चार गो घर जरके नोक्सान

वीरगंज १३ फागुन

पर्सा जिल्ला के जिराभवानी गाँवपालिका–१ चमरी टोल मे एतवार के दिने भईल आगलागी से घर जरके नोक्सान भईल बा । दुपहरिया करिब १२ बजे के समय मे अचानक आगलागी भईला पर स्थानीय मुन्ना नट के ४ गो फुस के घर कुछ देर मे जरके नोक्सान भईल रहे ।

वीरगंज से पुगल बारुणयन्त्र आगी बुतईला पर भी ४ गो घर, ओमे रहल लत्ताकपडा, गरगहना, अन्नपात आदि भी जरके नोक्सान भईल मुन्ना बतवनी । उनकर बेटा बुधन के एक महिना के बाद बियाह कईल आ बियाह के तईयारी के खातिर खरिद कईल लत्ता कपडा, चाउर, गरगहना, श्रृङ्गार के सामान आदमी भी जरके नोक्सान भईल उ बतवनी ।

विद्युत सर्ट होके आगलागी भईल अनुमान कईल बा । सामाजिक अभियन्ता प्रकाश थारु तत्काल वीरगंज स्थित निखिल ज्वेलर्स के सहजोग मे मिलल चाउर, दाल, तेल, नुन, चिउरा, मसला लगायत के राहत सहजोगस्वरुप हस्तान्तरण कईले रहे ।