बारा मे बस दुर्घटना मे २३ यात्रु घायल

प्रभु यादव

बारा २२ फागुन

पथलैया–हेटौंडा सडकखण्ड अन्तर्गत बारा के जीतपुरसिमरा उपमहानगरपालिका वार्ड नं. २२ स्थित ३ नम्बर पुल के बजार लगे मंगर के दिने ना.६ ख ९०३० नम्बर के यात्रुबस दुर्घटना भईला पर २३ यात्रु घायल भईल बाडन । घायल मेसे दु के अवस्था गम्भीर रहल जनावल गईल बा ।

जिल्ला प्रहरी कार्यालय बारा के प्रहरी प्रवक्ता दधिराम न्यौपाने के मुताविक बसमे २३ जने यात्रु सवार रहला मे ५ जने सामान्य ईलाज के बाद घर फिर्ता गईल बतवले बानी । दुर्घटना मे घायल भईल २३ यात्रु मेसे १८ जने के अभी ईलाज हो रहल जउना मेसे दु जनेके आइसियु मे ईलाज हो रहल बा । उनका मुताविक हेटौंडा मे १८ जने आ अमलेखगञ्ज मे चार यात्रु के ईलाज हो रहल बा । सामान्य घायल भईल पाँच जने यात्रु घर गईल बाडन ।

हेटौंडा से जनकपुर ओरी जा रहल यात्रुबस तीन नम्बर पुल के बजार के बगल मे रहल नदी मे गिरल रहे । घटना के बाद बजार क्षेत्र के स्थानीय आ आउर सवारीसाधन के यात्रु घायल के उद्धार कईले रहलन ।

घायल होखेवाला मे हेटौडा–१२ बेलडाडा के नबराज लामा, उनकर बेटी क्षेसन लामा, उहे जगहा के बिष्णु लामा, सुनसरी जिल्ला बिराटनगर रहेवाला रबिन मगर, चितवन भरतपुर म.न.पा. ८ रहेवाला दिपेन्द्र कुमार ठाकुर, उहे जगहा के कबिता ठाकुर, भरतपुर–१० के राखी शाह आ कैलाशनगर रहेवाला अस्मि शाह, हेटौडा उ.म.न.पा.१२ पदमपोखरी के सबिना घलान आ उनकर बेटा प्रियान्स घलान, मकवानपुर थाहा. न.पा. ३ के, दिल कुमारी बि.क., धनुषा–२ के प्रिंयका यादव, रन्जित यादव आ शान्ति देवी यादव, बीरगंज श्रीपुर रहेवाला दुखन खातुन आ जोया खातुन, सर्लाही हरिवन न.पा. ८ के पर्बत भट्टराई आ रेनुका खड्का, सर्लाही लालबन्दी के निशु खड्का के हेटौडा सरकारी अस्पताल मे ईलाज हो रहल जिल्ला प्रहरी कार्यालय बारा के प्रवक्ता दधिराम न्यौपाने बतवनी ।

एहितरे सामान्य घायल रहल सर्लाही हरिपुर न.पा.०२ के रितेश पुलामि, जनकपुर उ.म.न.पा.१४ के जाकिर हुशेन आ वार्ड नं. १ के अन्जलि शाह, सर्लाही कबिलासी गा.पा ०८ के मिना महतो आ मोहत्तरी बर्दिवास न.पा.०२ के अर्जुण ठाकुर ईलाज के बाद घर गईल प्रवक्ता न्यौपाने बतवनी ।