भिष्वा मे सशस्त्र पुलीस के स्वास्थ्य शिविर पुरा

वीरगंज ०९ चईत

पर्सा जिल्ला के छिपहरमाई गाँवपालिका के भिष्वा नाकाबजार मे आयोजना कईल निःशुल्क स्वास्थ्य शिविर मे छव सय से बेसी जने सेवा लेहले बाडन ।

सशस्त्र प्रहरी बल नेपाल हेड क्वार्टर १३ नम्वर गण के आयोजना आ प्रभु अस्पताल तथा वीरगंज सामुदायिक आँखा केन्द्र के सहजोग मे भईल शिविर मे सीमा क्षेत्र के बासिन्दा सहित सुरक्षाकर्मीलोग लाभ लेहले बाडन ।

उ समय मे स्वास्थ्य परीक्षण करावेवाला के बेमारी के आधार मे निःशुल्क दवाई भी देहल गईल बा । शिविर मे २ सय ५० जनानी आ ३ सय ५० से बेसी पुरुष करके ६ सय से बेसी जने के स्वास्थ्य परीक्षण भईल रहे ।

प्रभु हस्पिटल के सन्चालिका डा. लक्ष्मी थापा, फिजिसियन शिवकुमार झा, हाड्जोर्नी तथा नशारोगा विशेषज्ञ अरविन्द साह, प्याथोलोजी डा.निरन्जन साह, मेडिकल अफिसर डा. प्रतिभा थापा, आखा विशेषज्ञ महेश सिंह धामी, प्रभात चौरसिया लगायत मरेजीलोग के स्वास्थ्य परीक्षण कईले रहलन ।

शिविर के उदघाटन सत्र मे प्रमुख अतिथि सशस्त्र प्रहरी अतिरिक्त महानिरिक्षक नारायण दत पौडेल, मधेश प्रदेश प्रमुख सशस्त्र प्रहरी नायब महानिरिक्षक दिपेन्द्र साह, छिपहरमाई गाँवपालिका के उपाध्यक्ष लिलावती देवी, नेता किशोरी साह, वार्ड अध्यक्षलोग दिपेन्द्र सिंह, मौजीलाल साह कानु, महेन्द्र साह कलवार, कामेश्वर यादव, नेता गनेश जयसवाल, सुबास साह, सशस्त्र प्रहरी बल नेपाल नं १३ गण पर्सा के गुल्मपती एसपी कृष्ण कर्मचार्य, सशस्त्र प्रहरी बारा गणपति संतोष सिंह, सशस्त्र प्रहरी नायब उपरीक्षक संगम श्रेष्ठ, प्रेम बहादुर कठायत लगायत के सहभागिता रहल रहे ।